Belgili jýrnalist Qurmanbek Jumaǵali "Qazaq radiolary" JShS Bas direktory qyzmetine taǵaiyndaldy, dep habarlaidy "Ult aqparat" Qazaq radiolarynyń saityna silteme jasap.
Qurmanbek Jumaǵali 1985 jyly 7 tamyzda dúniege kelgen. 2008 jyly Abai atyndaǵy Qazaq ulttyq pedagogikalyq ýniversitetin támamdaǵan. Eńbek jolyn 2006 jyly «Qazaqstan» Ulttyq teleradiokompaniiasynyń redaktorlyq bóliminiń shtattan tys redaktory bolyp bastaǵan.
2004-2007 jyldary Q. Jumaǵali - «Qazaqstan» RTRK» AQ-da baǵdarlamalardyń redaktor - júrgizýshisi; 2007-2013 jyldary «Qazaqstan» RTRK» AQ-nyń aqparattyq baǵdarlamalar Direktsiiasynyń prodiýseri, «Habar» agenttigi» AQ qorytyndy jańalyqtar júrgizýshisi bolyp qyzmet etti.
2013-2014 jyldar aralyǵynda Qaraǵandy oblysy ákimdigi baspasóz qyzmetiniń basshysy, Qaraǵandy oblysy ákiminiń keńesshisi; 2014-2015 jyldary «Qazaqstan» RTRK» AQ-nyń aqparattyq-saraptamalyq baǵdarlamalar Direktsiiasynyń direktory, «Senbilik kezdesý» tok-shoýynyń júrgizýshisi; 2015 jyly «Qazaqstan» RTRK» AQ aimaqtyq damytý Direktsiiasynyń direktory boldy.
2016 jyly Qazaqstan halqy Assambleiasynyń qory QQ direktory, 2017 jyly «Almaty» telearnasy Bas direktorynyń birinshi orynbasary qyzmetterin atqarǵan. Al, 2017 jyldyń jeltoqsan aiynan bastap Mańǵystaý oblystyq ishki saiasat basqarmasynyń basshysy boldy.
Buǵan deiin "Qazaq radiolary" JShS bas direktory qyzmetin Mádi Manatbek atqarǵan bolatyn.
Aita keteiik, "Qazaq radiolary" JShS qarasty 4 radio bar: "Qazaq radiosy", "Astana", "Shalqar" jáne "Klassik".
