بەلگٸلٸ جۋرناليست قۇرمانبەك جۇماعالي "قازاق راديولارى" جشس باس ديرەكتورى قىزمەتٸنە تاعايىندالدى, دەپ حابارلايدى "ۇلت اقپارات" قازاق راديولارىنىڭ سايتىنا سٸلتەمە جاساپ.
قۇرمانبەك جۇماعالي 1985 جىلى 7 تامىزدا دٷنيەگە كەلگەن. 2008 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتٸن تەمامداعان. ەڭبەك جولىن 2006 جىلى «قازاقستان» ۇلتتىق تەلەراديوكومپانيياسىنىڭ رەداكتورلىق بٶلٸمٸنٸڭ شتاتتان تىس رەداكتورى بولىپ باستاعان.
2004-2007 جىلدارى ق. جۇماعالي - «قازاقستان» رترك» اق-دا باعدارلامالاردىڭ رەداكتور - جٷرگٸزۋشٸسٸ; 2007-2013 جىلدارى «قازاقستان» رترك» اق-نىڭ اقپاراتتىق باعدارلامالار ديرەكتسيياسىنىڭ پروديۋسەرٸ, «حابار» اگەنتتٸگٸ» اق قورىتىندى جاڭالىقتار جٷرگٸزۋشٸسٸ بولىپ قىزمەت ەتتٸ.
2013-2014 جىلدار ارالىعىندا قاراعاندى وبلىسى ەكٸمدٸگٸ باسپاسٶز قىزمەتٸنٸڭ باسشىسى, قاراعاندى وبلىسى ەكٸمٸنٸڭ كەڭەسشٸسٸ; 2014-2015 جىلدارى «قازاقستان» رترك» اق-نىڭ اقپاراتتىق-ساراپتامالىق باعدارلامالار ديرەكتسيياسىنىڭ ديرەكتورى, «سەنبٸلٸك كەزدەسۋ» توك-شوۋىنىڭ جٷرگٸزۋشٸسٸ; 2015 جىلى «قازاقستان» رترك» اق ايماقتىق دامىتۋ ديرەكتسيياسىنىڭ ديرەكتورى بولدى.
2016 جىلى قازاقستان حالقى اسسامبلەياسىنىڭ قورى قق ديرەكتورى, 2017 جىلى «الماتى» تەلەارناسى باس ديرەكتورىنىڭ بٸرٸنشٸ ورىنباسارى قىزمەتتەرٸن اتقارعان. ال, 2017 جىلدىڭ جەلتوقسان ايىنان باستاپ ماڭعىستاۋ وبلىستىق ٸشكٸ ساياسات باسقارماسىنىڭ باسشىسى بولدى.
بۇعان دەيٸن "قازاق راديولارى" جشس باس ديرەكتورى قىزمەتٸن مەدي ماناتبەك اتقارعان بولاتىن.
ايتا كەتەيٸك, "قازاق راديولارى" جشس قاراستى 4 راديو بار: "قازاق راديوسى", "استانا", "شالقار" جەنە "كلاسسيك".
