Foto: yandex.kz
Boksshy Dmitrii Bivoldyń burynǵy áieli Ekaterina Bivol qazaq jáne qyrǵyz halyqtaryn qorlap, áleýmettik jelide dóreki sózder aitqany úshin Qyrǵyzstan Ishki ister ministrligi aldyn ala tergeý júrgizýdi bastaǵanyn málimdedi, dep habarlaidy Ult.kz.
IIM dereginshe, Ekaterina Bivol ultaralyq syilastyq qaǵidalaryn buzǵan. Vedomstvo mundai qylyqtarǵa jol berilmeitinin atap ótti.
«Azamattyń turǵylyqty jerine qaramastan, árbir tulǵa zań talaptaryn oryndap, óshpendilik týdyrýǵa jol bermeýi qajet. Qazirgi ýaqytta bul oqiǵa tirkelip, tiisti saraptamalar taǵaiyndaldy», – dep habarlady Qyrǵyzstan IIM.
Ministrlik tekserý sońyna deiin júrgizilip, onyń is-áreketine quqyqtyq turǵyda baǵa beriletinin qosty.
Ajyrasqannan keiin Ekaterina Bivol áleýmettik jelilerde belsendi bola tústi. Ol burynǵy jubaiy týraly jii sezimge toly jazbalar jariialap, sportshyny aliment mólsherin azaitý maqsatynda tabysyn jasyryp otyr dep kinálaǵan. Sondai-aq onyń jankúierlerine de syn aitqan.
Eske sala ketsek, 34 jastaǵy Dmitrii Bivol — Resei men Qyrǵyzstandy qatar tanytqan kásibi boksshy. Ol jartylai aýyr salmaqta WBA, WBO jáne IBF nusqalary boiynsha álem chempiony atanǵan.
