Qazaq-orys halyqaralyq ýniversiteti litsenziiasynan aiyrylýy múmkin, dep habarlaidy "Ult aqparat" Bilim jáne ǵylym ministrliginiń baspasóz qyzmetine silteme jasap.
5 qarasha kúni «Qazaq-orys halyqaralyq ýniversiteti» halyqaralyq joǵary oqý ornyna qatysty ákimshilik is qaraldy. Ákimshilik quqyq buzý týraly hattama men ákimshilik is materialdaryn qaraý merzimi ýniversitettiń ótinishi boiynsha eki márte uzartyl ǵanyn aita ketken jón .
«29 qazan kúni Bilim jáne ǵylym salasyndaǵy sapany qamtamasyz etý komiteti tóraiymynyń uiǵarymymen ýniversitettiń zańdy ókiline istiń qaralatyn orny men ýaqyty habarlandy. Ýniversitettiń zańdy ókili kelgen joq, osyǵan bailanysty isti zańdy tulǵanyń qatysýynsyz qaraý týraly sheshim qabyldandy. Tekseris qorytyndysy boiynsha osy qaýly kúshine engen sátten bastap atalǵan oqý ornyna qatysty 1 ai merzimge joǵary jáne joǵary oqý ornynan keiingi bilim berý baǵdarlamalaryn iske asyrý boiynsha litsenziiasyn toqtata otyryp, ákimshilik aiyppul salý týraly qaýly shyǵaryldy» delingen habarlamada.
Zańdy tulǵaǵa atalǵan eskertýlerdi joiý úshin 1 ai beriledi. Kemshilikter joiylmaǵan jaǵdaida atalǵan oqý ornyn litsenziiasynan aiyrý úshin materialdar sotqa jiberiledi.
