Foto: Kazakh Everest Team baspasóz qyzmeti
Anar Býrasheva men Maqsut Jumaevtan quralǵan Kazakh Everest Team qazaqstandyq komandasy álemdegi eń biik Everest shyńyn (8848 metr) baǵyndyrdy, dep habarlaidy "Ult aqparat".
Komanda shyń basyna12 mamyr kúni Nepal ýaqytymen tańǵy saǵat 07:25-te jetken.
"8 000 metrden joǵary biiktiktegi daýyl men boran túrindegi kúrdeli aýa raiy jaǵdailaryna bailanysty shyńdy baǵyndyrýǵa niettengen ekspeditsiialardyń kópshiligi baǵytynan keri qaitty, tek bes eldiń alpinisteri Everestke sátti kóterile aldy. Olardyń arasynda bizdiń otandastarymyz bar – tarihta álemniń eń biik shyńyna shyqqan tuńǵysh qazaq qyzy Anar Býrasheva jáne eńbegi sińgen qazaqstandyq alpinist Maqsut Jumaev, bul onyń Everest shyńyna osymen úshinshi ret shyǵýy”, – dep málimdedi "Kazakh Everest Team" baspasóz qyzmeti.
Jalpy, "Kazakh Everest Team" komandasynyń shyńǵa kóterilýi bes táýlikke sozyldy: 7 mamyrda bazalyq lagerden (5 350 m.) shyǵýdan bastalyp, sodan keiin bizdiń alpinister I Lager (6 100 m.) arqyly ótip, odan keiin II Lagerge (6 400 m.), III Lagerge (7 100 m.) kóterildi jáne IV Lagerge (8 000 m.) jetken soń odan ári Everest (8 848 m.). Anar Býrasheva men Maqsut Jumaev Everest shyńynda Qazaqstannyń bairaǵyn jelbiretti.
"Búgin, 12 sáýirde Anar men Maqsut IV Lagerde (8 000 m.) kúrdeli kóterilýden keiin tómen túsý úshin kúsh-qýatyn qalpyna keltirip jatyr. Alpinisterdiń jaǵdaiy qanaǵattanarlyq, biraq kúshi sarqylyp, bazalyq lagerge túsý úshin biraz jinaý kerek bolyp tur", – delingen habarlamada.
