فوتو: Kazakh Everest Team باسپاسٶز قىزمەتٸ
انار بۋراشەۆا مەن ماقسۇت جۇماەۆتان قۇرالعان Kazakh Everest Team قازاقستاندىق كومانداسى ەلەمدەگٸ ەڭ بيٸك ەۆەرەست شىڭىن (8848 مەتر) باعىندىردى, دەپ حابارلايدى "ۇلت اقپارات".
كوماندا شىڭ باسىنا12 مامىر كٷنٸ نەپال ۋاقىتىمەن تاڭعى ساعات 07:25-تە جەتكەن.
"8 000 مەتردەن جوعارى بيٸكتٸكتەگٸ داۋىل مەن بوران تٷرٸندەگٸ كٷردەلٸ اۋا رايى جاعدايلارىنا بايلانىستى شىڭدى باعىندىرۋعا نيەتتەنگەن ەكسپەديتسييالاردىڭ كٶپشٸلٸگٸ باعىتىنان كەرٸ قايتتى, تەك بەس ەلدٸڭ الپينيستەرٸ ەۆەرەستكە سەتتٸ كٶتەرٸلە الدى. ولاردىڭ اراسىندا بٸزدٸڭ وتانداستارىمىز بار – تاريحتا ەلەمنٸڭ ەڭ بيٸك شىڭىنا شىققان تۇڭعىش قازاق قىزى انار بۋراشەۆا جەنە ەڭبەگٸ سٸڭگەن قازاقستاندىق الپينيست ماقسۇت جۇماەۆ, بۇل ونىڭ ەۆەرەست شىڭىنا وسىمەن ٷشٸنشٸ رەت شىعۋى”, – دەپ مەلٸمدەدٸ "Kazakh Everest Team" باسپاسٶز قىزمەتٸ.
جالپى, "Kazakh Everest Team" كومانداسىنىڭ شىڭعا كٶتەرٸلۋٸ بەس تەۋلٸككە سوزىلدى: 7 مامىردا بازالىق لاگەردەن (5 350 م.) شىعۋدان باستالىپ, سودان كەيٸن بٸزدٸڭ الپينيستەر I لاگەر (6 100 م.) ارقىلى ٶتٸپ, ودان كەيٸن II لاگەرگە (6 400 م.), III لاگەرگە (7 100 م.) كٶتەرٸلدٸ جەنە IV لاگەرگە (8 000 م.) جەتكەن سوڭ ودان ەرٸ ەۆەرەست (8 848 م.). انار بۋراشەۆا مەن ماقسۇت جۇماەۆ ەۆەرەست شىڭىندا قازاقستاننىڭ بايراعىن جەلبٸرەتتٸ.
"بٷگٸن, 12 سەۋٸردە انار مەن ماقسۇت IV لاگەردە (8 000 م.) كٷردەلٸ كٶتەرٸلۋدەن كەيٸن تٶمەن تٷسۋ ٷشٸن كٷش-قۋاتىن قالپىنا كەلتٸرٸپ جاتىر. الپينيستەردٸڭ جاعدايى قاناعاتتانارلىق, بٸراق كٷشٸ سارقىلىپ, بازالىق لاگەرگە تٷسۋ ٷشٸن بٸراز جيناۋ كەرەك بولىپ تۇر", – دەلٸنگەن حابارلامادا.
