Tashkent qalasynda ótip jatqan dziýdodan álem chempionatynda Ábiba Ábýjaqynova qola júldeger atandy, dep habarlaidy QazAqparat.
Qazaq qyzy 48 kelige deiingi salmaqta qola júlde úshin básekede chililik Mari Di Vargas Leimen tatamige shyqty.
Beldesý óte tartysty ótip, qosymsha ýaqytta chililik dziýdoshy úshinshi eskertý alyp, jeńis Ábibaǵa berildi.
Alǵashqy beldesýlerin sátti ótkizgen Ábiba jartylai finalda japoniialyq Natsými Tsýnadege ese jibergen edi.
Osylaisha, Ábýjaqynova qazaq qyzdary arasynan alǵash ret álem chempionatynyń júldegeri atanyp otyr. Buǵan deiin Qazaqstan atynan kúresken Otgontsetseg Galbadrah dúniejúzilik dodada júldege qol jetkizgen edi.
Ábibanyń biylǵy jetistikteri óte jaqsy. Ol biyl Astanada ótken Aziia chempitonatynyń kúmis medaline ie bolǵan. Sondai-aq Ulan-Batyrda ótken Grand Slam týrnirinde júldeger atandy.
