Foto: QR MAM
Astanada qazaq halqynyń án-kúii men folklorlyq murasy toptastyrylǵan «Asyl mura» aýdiojinaǵynyń tusaýkeseri ótti, dep habarlaidy Ult.kz.
«Qazaqstan» respýblikalyq teleradiokorporatsiiasy jaryqqa shyǵarǵan «Asyl mura» – otandyq mýzyka óneri tarihynda halyqaralyq strimingterde keńinen taralǵan eń iri jinaq. Joba «Ozen» mýzykalyq leiblymen birge júzege asyryldy.
Jinaqqa «Altyn qorda» saqtalǵan 400 kúi, 300 jyr-terme, 400 halyq áni men halyq kompozitorlarynyń ánderi, 100 ertegi, 50 besik jyry, 250 retro hit án engizildi. Aýdiojinaqtyń ereksheligi – mundaǵy shyǵarmanyń kóbi aýtentikalyq formada, iaǵni, alǵashqy oryndaýshylary jetkizgen túpnusqa kúiinde berilgen.
Jobaǵa engen tańdamaly 1500 aýdiojazba Apple Music, Spotify, Yandex Music, YouTube Music siiaqty álemge tanymal 100-den astam mýzykalyq platformaǵa júkteldi. Sondai-aq týyndylar «Qazaqstan» teleradiokorporatsiiasynyń altynqor.com saityna engizildi.
