Foto: QR MAM
QR Mádeniet jáne aqparat ministrligi akademik, filosofiia ǵylymynyń doktory, professor, kórnekti ǵalym jáne memleket qairatkeri Jabaihan Múbárákuly Ábdildinniń dúnieden ótýine bailanysty týǵan-týystary men jaqyndaryna, sondai-aq barsha qazaq halqyna qaiǵyra kóńil aitty, dep habarlaidy Ult.kz.
Jabaihan Múbárákuly – qazaq ǵylymynyń asa kórnekti ókilderiniń biri, otandyq filosofiia men dialektikalyq logika mektebiniń negizin qalaǵan dara tulǵa. Ol teoriialyq tanym, logika, filosofiialyq ádisnama salalarynda ózindik ǵylymi mektep qalyptastyryp, ǵylymǵa bútin bir dáýir syilaǵan ǵalym retinde baǵalandy.
Memleket qairatkeri retinde eldiń rýhani jáne ǵylymi damýyna ólsheýsiz úles qosqan. Ǵalymnyń jetekshiligimen ondaǵan ǵylym doktorlary, júzdegen shákirtter tárbielenip, ulttyq filosofiialyq oidyń damýyna erekshe serpin berdi.
Jabaihan Ábdildinniń jarqyn beinesi, ǵylymǵa sińirgen eńbegi men qairatkerligi el jadynda máńgi saqtalmaq.
Marqumnyń týǵan-týystaryna kóńil aityp, imany salamat, jany jánnatta bolsyn dep tileimiz.
