Qytaidaǵy úlken mýzykalyq jobalarda qazaq ánin áýelete shyrqap júrgen qandasymyz Arai Aidarhan Fujian TV «Sounds of Nature» ulttyq ánder mýzykalyq realti-shoýynda qytai tiline aýdarylǵan óz ánin oryndady, dep habarlaidy QazAqparat tilshisi.
Bul kezeńde Arai qazaqtyń atadan alatyn tárbiesin, qazaqtyń úlkendi qurmetteitin dástúrin sýretteitin «Atamnyń aqyly»(爷爷常说) ánin shyrqady. Sonymen qatar,onyń qazaqtyń ulttyq mýzyka aspaby dombyrada oinap, jetigenniń súiemeldeýinde oryndaǵan qazaqi áýeni qytailyq kórermenderdiń nazaryn aýdardy.
Buǵan deiin habarlaǵanymyzdai, Arai jobada «Samaltaý» jáne «Áje» ánderimen kórermenderdi erekshe tolqytqan. Sondai-aq, qazaqstandyq mýzykant Rýslan Karanyń jetekshiligimen, ejelgi qazaqtardyń shamandyq belgilerin beineleitin «Jaýyn shaqyrý ánin» oryndady.
Aita keteiik, Arai Aidarhan - Hýnan telearnasynyń «Singer 2017» baiqaýynda óner kórsetip álem jurtshylyǵyna tanymal bolǵan Dimash Qudaibergenniń mýzykalyq prodiýseri. Bul kúnde Dimash pen qandasymyz Arai Aidarhan qazaq mýzykasynyń qytaida barynsha tanymal bolýyna airyqsha septigin tigizýde.
