قىتايداعى ٷلكەن مۋزىكالىق جوبالاردا قازاق ەنٸن ەۋەلەتە شىرقاپ جٷرگەن قانداسىمىز اراي ايدارحان Fujian TV «Sounds of Nature» ۇلتتىق ەندەر مۋزىكالىق رەالتي-شوۋىندا قىتاي تٸلٸنە اۋدارىلعان ٶز ەنٸن ورىندادى, دەپ حابارلايدى قازاقپارات تٸلشٸسٸ.
بۇل كەزەڭدە اراي قازاقتىڭ اتادان الاتىن تەربيەسٸن, قازاقتىڭ ٷلكەندٸ قۇرمەتتەيتٸن دەستٷرٸن سۋرەتتەيتٸن «اتامنىڭ اقىلى»(爷爷常说) ەنٸن شىرقادى. سونىمەن قاتار,ونىڭ قازاقتىڭ ۇلتتىق مۋزىكا اسپابى دومبىرادا ويناپ, جەتٸگەننٸڭ سٷيەمەلدەۋٸندە ورىنداعان قازاقي ەۋەنٸ قىتايلىق كٶرەرمەندەردٸڭ نازارىن اۋداردى.
بۇعان دەيٸن حابارلاعانىمىزداي, اراي جوبادا «سامالتاۋ» جەنە «ەجە» ەندەرٸمەن كٶرەرمەندەردٸ ەرەكشە تولقىتقان. سونداي-اق, قازاقستاندىق مۋزىكانت رۋسلان كارانىڭ جەتەكشٸلٸگٸمەن, ەجەلگٸ قازاقتاردىڭ شاماندىق بەلگٸلەرٸن بەينەلەيتٸن «جاۋىن شاقىرۋ ەنٸن» ورىندادى.
ايتا كەتەيٸك, اراي ايدارحان - حۋنان تەلەارناسىنىڭ «Singer 2017» بايقاۋىندا ٶنەر كٶرسەتٸپ ەلەم جۇرتشىلىعىنا تانىمال بولعان ديماش قۇدايبەرگەننٸڭ مۋزىكالىق پروديۋسەرٸ. بۇل كٷندە ديماش پەن قانداسىمىز اراي ايدارحان قازاق مۋزىكاسىنىڭ قىتايدا بارىنشا تانىمال بولۋىنا ايرىقشا سەپتٸگٸن تيگٸزۋدە.
