27 qyrkúiekte Servantes institýtynyń (Madrid, Ispaniia) shtab-páterinde qazirgi qazaq prozasy men poeziiasynyń ispan tilindegi antologiiasy tanystyryldy, dep habarlaidy "Ult aqparat".
Tusaýkeserge tanymal ispan jazýshylary, aýdarmashylar, filologtar, jýrnalister, sondai-aq Ispaniiadaǵy Qazaqstan dostary klýbynyń músheleri qatysty.
Qazaqstan tarapynan sharaǵa QR Prezidentiniń kómekshisi, «Rýhani jańǵyrý» baǵdarlamasyn júzege asyrý boiynsha Ulttyq komissiia hatshysy Aida Balaeva, Ulybritaniiadaǵy QR tótenshe jáne ókiletti elshisi Erlan Ydyrysov, Ulttyq aýdarma biýrosynyń atqarýshy direktory Raýan Kenjehanuly, Qazaqstan Jazýshylar odaǵy tóraǵasynyń orynbasary Aqberen Elgezek qatysty.
«Rýhani jańǵyrý» baǵdarlamasy aiasynda iske asyrylǵan bul jobanyń strategiialyq seriktesi - Ispaniianyń Mádeniet ministrligi, jobanyń shyǵarmashylyq keńesshisi - Servantes institýty. Qazirgi qazaq ádebietiniń eki antologiiasyn ispan tiline ádebi aýdarǵan, basyp shyǵarǵan jáne taratqan - «Visor-Libros» baspa úii. Seriktesterdiń qoldaýymen jinaqty daiyndaýǵa eń jaqsy ádebi aýdarma mamandary tartyldy. Solardyń biri - ispan koroldik otbasynyń aýdarmashysy, filologiia ǵylymdarynyń doktory, professor Mariia Sanches Pýig. Ol qazaq prozasynyń antologiiasyn ispan oqyrmanyna usynyp, onyń alǵysózin jazdy. Ispantildi álemge qazirgi qazaq poeziiasyn tanymal ispan aqyny, filolog, Korol akademiiasynyń akademigi Lýis Alberto de Kýenko usyndy.
Servantes institýtynyń jetekshisi Rosa Leon atap ótkendei, onyń áriptesteri men ózi Qazaqstannyń álemdi óziniń mádenieti men ádebietimen tanystyrýǵa degen umtylysyn qoldaidy.
«Qazaq oqyrmandary bizdiń uly jazýshylarymyzben, aqyndarymyz ben sýretshilerimizben jaqsy tanys dep senemin. Biz olardy búkil álem tanýy úshin kóptegen jumystar atqardyq. Biraq, naǵyz dostyq pen túsinistik úshin ekijaqty mádeni almasý bolýy qajet. Sondyqtan, osyndai jinaqtyń basyp shyǵarylýy biz úshin asa mańyzdy», - dedi Rosa Leon.
Óz kezeginde Aida Balaeva:
«Qazaq ádebieti antologiiasyn BUU-nyń 6 tiline aýdarý jáne jariialaý - Qazaqstannyń Tuńǵysh Prezidenti Nursultan Nazarbaev bastamashy bolǵan «Rýhani jańǵyrý» baǵdarlamasynyń bóligi. Baǵdarlama jobalarynyń biri «Jahandyq álemdegi zamanaýi Qazaqstan mádenieti» dep atalady. Onyń mindeti – qazirgi Qazaqstandy mádeniet arqyly álemge tanytý. Sondyqtan, biz úshin eń bastysy aýdarmanyń ispan oqyrmandarynyń júregine jol tabatyn joǵary kórkemdik sapasyna qol jetkizý boldy. Ol úshin aýdarmashylar Qazaqstanǵa kelip, avtorlarmen, bizdiń elimizben jáne mádenietimizben tanysty. Olar bizdiń dostyq qarym-qatynasymyzǵa arqaý boldy. Mundai yntymaqtastyq qazaq jáne ispan mádenietterin odan ári jaqyndastyrýǵa, memleketter arasyndaǵy qatynastardy nyǵaitýǵa qyzmet etedi dep senemiz», - dep atap ótti.
Qazirgi qazaq prozasynyń antologiiasy men qazirgi qazaq poeziiasynyń antologiiasy 10 myń dana tirajben ispan tilinde jaryq kórdi. Taralym Ispaniia kitaphanalarynda, oqý oryndarynda jáne akademiialyq ortalyqtarynda, sondai-aq 600 million adamǵa arnalǵan aýditoriiasy bar Latyn Amerikasynyń 18 eline taraidy.
Zamanaýi qazaq ádebietiniń úzdik úlgileriniń BUU 6 tiline aýdarmasy «Jahandaǵy zamanýi qazaqstandyq mádeniet» jobasy aiasynda júzege asyp otyr. Joba, óz kezeginde, Qazaqstan Respýblikasynyń Tuńǵysh Prezidenti – Elbasy N.Nazarbaevtyń bastamasymen qolǵa alynǵan «Rýhani jańǵyrý» baǵdarlamasynyń mańyzdy baǵyty sanalady. «Jahandaǵy zamanýi qazaqstandyq mádeniet» jobasynyń mindeti – qazirgi zamanǵy Qazaqstannyń ádebiet, mýzyka, beineleý óneri, horeografiia, kino jáne teatr salalaryndaǵy mádeni qazynasyn álem jurtshylyǵyna tanystyrý.
