foto: Tengrinews.kz
Elimizdiń aýmaǵynda oryn alǵan jappai tártipsizdikter barysynda qaza tapqan beibit turǵyndar sany naqtylanyp jatyr. Bul jaiynda QR Prezidenti Qasym-Jomart Toqaev aitty, dep habarlaidy QazAqparat.
«Kúshtik qurylymdardyń 16 qyzmetkeri qaza taýyp, 1 300-den astamy jaraqat aldy. Ókinishke qarai, beibit turǵyndar arasynda da shyǵyn bar. Naqty sany naqtylanyp jatyr. Búkil el boiynsha 1 270 biznes sýbektisi zardap shekti. 100-den astam saýda ortalyqtary men bankter tonaldy. Tek politsiianyń kólikteriniń ǵana shamamen 500-i qiratyldy jáne órteldi. Aýqymdy materialdyq shyǵyn keltirildi. Onyń mólsherin arnaýly Úkimettik komissiia anyqtaityn bolady», - dedi Memleket basshysy UQShU Ujymdyq qaýipsizdik keńesiniń kezekten tys sessiiasynda.
Aita keteiik, búgin UQShU Ujymdyq qaýipsizdik keńesiniń kezekten tys sessiiasy ótip jatyr. Jiyn Qazaqstan tarapynyń bastamasymen shaqyryldy.
