KAZ Minerals Bozymchak bas direktory Iliias Túlekeev Bishkekte ustaldy, dep habarlaidy Tengrinews.kz. Bul maǵlumatty KAZ Minerals kompaniialar tobynyń korporativtik bailanys departamentindegiler rastady.
"Bul iske qatysty bizge belgilisi, Túlekeev myrzaǵa aiyp taǵyldy, Túlekeev myrzaǵa naqty qandai aiyptyń taǵylǵany anyqtaldy. Áńgime Qyrǵyzstan biýdjetine salyq tóleý týraly bolyp tur. Naqtyraq aitatyn bolsaq, ótken jyly Qyrǵyzstan Respýblikasynyń salyq organdary salyq tóleý týraly kompaniianyń tarabyna talap qoiǵan. Bul talapty kompaniia oryndamaǵan. Ol daýly másele jáne kompaniia oǵan qatysty shaǵym túsirgen. Sonymen qatar, kompaniia birneshe jyldan beri Qyrǵyzstannyń salyq organdary tarapynan QQS-ny óndire almai keledi, bul da tekserýdi talap etetin nárse bolyp tur. Áńgime 50 million som jóninde (shamamen 250 million teńge - Avt.). Bul QR salyq organdary qaryz esebinde aiyp taǵyp otyrǵan soma", - dedi kompaniiadaǵylar.
Sonymen qatar, KAZ Minerals kompaniialar tobynyń mamandary Túlekeevtiń qandai jaǵdaida ustalǵany týraly da aityp berdi.
"Bizdegi málimetter boiynsha, ol juma kúni shekarany kesip ótip bara jatqan jerinde ustalǵan. Túlekeev demalys kúnderi Qazaqstanǵa oralmaqshy bolypty. Tólqujattyq baqylaý kezinde ony ustap, qarjy politsiiasynyń ókilderine tapsyrǵan. Ony ýaqytsha ustaý izoliatoryna ornalastyryp, áli kúnge sol jerde otyr", - dedi KAZ Minerals mamandary.
Kompaniiadaǵylardyń aitýynsha, KAZ Minerals Bozymchak basshysy ustalǵan sátten beri qorǵaýshy jumys istep jatyr, Syrtqy ister ministrliginiń ókilderi - elshi men konsýl habardar. "Qyrǵyzstan prezidentiniń ákimshiligine, Bas prokýratýraǵa tiisti úndeý joldandy. Bul másele jaqyn kúnderi quqyqtyq alańda sheshilmese, biz tolyǵyraq túsinikti Qor naryǵyna jáne bul aqparatty ózge investorlarǵa berýge májbúr bolatynymyz sózsiz. Qalai bolsa da biz quqyǵymyz ben múddemizdi qorǵaý úshin barlyq quqyqtyq tásilderdi qoldanamyz, ásirese Túlekeev myrza úshin", - dedi kompaniialar tobynyń ókilderi.
Sonymen qatar, KAZ Minerals ókilderi búgin KAZ Minerals kompaniialar toby basshylyǵynyń Bishkekke jol tartatynyn habarlady.
Aita keteiik, keshe qyrǵyz aqparat quraldary derekkózderge silteme jasap, Iliias Túlekeevtiń ustalǵanyn habarlady. Olardyń málimetinshe, Túlekeev Bishkektegi izoliatorda. Aldyn ala málimetter boiynsha, oǵan Qyrǵyzstan Qylmystyq kodeksiniń "Laýazymyn asyra paidalaný" baby boiynsha aiyp taǵylyp otyr. Sonymen qatar, salyqty jasyrdy degen de kúdik bar.
Iliias Túlekeev kompaniianyń negizi qalanǵaly beri basqaryp keledi. KAZ Minerals Bozymchak kompaniiasy KAZ Minerals PLC tobyna kiredi. "Qazaqmys Gold Qyrǵyzstan" kompaniiasy Qyrǵyzstandaǵy jumysyn 2007 jyly bastaǵan. 2015 jyly 31 qazanda "Qazaqmys Gold Qyrǵyzstan" ataýy KAZ Minerals Bozymchak ataýyna ózgertildi, kompaniia Djalal-Abad oblysy Alabóken aýdanyndaǵy Bozymchak ken ornynda geologiialyq barlaýmen jáne mys-altyn óńdeýmen ainalysady, sonymen qatar, ken ornyn paidalanýǵa qajetti ózge de litsenziialarǵa ie. 2015 jyly 1 tamyzda Qyrǵyzstan premer-ministriniń qatysýymen "Bozymchak" ken-baiytý kombinatynyń jumysy iske qosylǵan bolatyn.
