Bishkekte ustalǵan KAZ Minerals Bozymchak bas direktory Iliias Túlekeev sot zalynda bosatyldy. Bul týraly KAZ Minerals kompaniiasynyń Korporativtik bailanys departamentiniń ókilderi aitty, - dep habarlaidy Tengrinews.kz tilshisi.
"2017 jyldyń 7 jeltoqsanynda Qyrǵyz Respýblikasynyń Qylmystyq kodeksiniń 221-baby boiynsha qozǵalǵan qylmystyq is aiasynda Iliias Túlekeev sot zalynda bosatyldy, sot bultartpaý sharasy túrinde ony qamaýǵa almady", - delingen kompaniia ókilderi jariialaǵan habarlamada.
Osyǵan deiin KAZ Minerals mamandary Iliias Túlekeevtiń ustalýyna qatysty mán-jaidy aityp bergen bolatyn. Kompaniiadaǵylardyń aitýynsha, KAZ Minerals Bozymchak basshysy ustalǵan sátten beri qorǵaýshy jumys istep jatyr, Syrtqy ister ministrliginiń ókilderi - elshi men konsýl habardar. "Qyrǵyzstan prezidentiniń ákimshiligine, Bas prokýratýraǵa tiisti úndeý joldanǵan. Sonymen qatar, KAZ Minerals ókilderi keshe KAZ Minerals kompaniialar toby basshylyǵynyń Bishkekke jol tartatynyn habarlady.
Eske sala keteiik, keshe, 27 mamyrda KAZ Minerals Bozymchak basshysynyń ustalǵany jaily habarlanǵan bolatyn. Keibir derekterge sáikes, ol Bishkektegi áýejaida ustalǵan.
Iliias Túlekeev kompaniianyń negizi qalanǵaly beri basqaryp keledi. KAZ Minerals Bozymchak kompaniiasy KAZ Minerals PLC tobyna kiredi. "Qazaqmys Gold Qyrǵyzstan" kompaniiasy Qyrǵyzstandaǵy jumysyn 2007 jyly bastaǵan. 2015 jyly 31 qazanda "Qazaqmys Gold Qyrǵyzstan" ataýy KAZ Minerals Bozymchak ataýyna ózgertildi, kompaniia Djalal-Abad oblysy Alabóken aýdanyndaǵy Bozymchak ken ornynda geologiialyq barlaýmen jáne mys-altyn óńdeýmen ainalysady, sonymen qatar, ken ornyn paidalanýǵa qajetti ózge de litsenziialarǵa ie. 2015 jyly 1 tamyzda Qyrǵyzstan premer-ministriniń qatysýymen "Bozymchak" ken-baiytý kombinatynyń jumysy iske qosylǵan bolatyn.
