Foto:ashyq derekkóz
Astana qalasynyń aýdanaralyq qylmystyq soty T. jubailaryn 2020–2024 jyldary balasyn emdeý maqsatynda jinaǵan qaiyrymdylyq qarajatyn jymqyrǵany úshin kináli dep tanyp, 7 jylǵa bas bostandyǵynan aiyrýǵa úkim shyǵardy, dep habarlaidy Ult.kz.
Olarǵa 10 jyl merzimge qaiyrymdylyq qyzmetimen ainalysý quqyǵynan aiyrý jáne múlkin tárkileý taǵaiyndaldy.
Sot materialdaryna sáikes, jubailar áleýmettik jeli arqyly 2,2 mlrd teńge qarajat jinaǵan. Onyń 1,4 mlrd teńgesi qaiyrymdylyq retinde alynǵanymen, tek 6,4 mln teńge ǵana balanyń emine jumsalǵan.
Qalǵan qarajat jeke qajettilikterine paidalanylǵan:
- Eki páter - 47 mln teńge;
- Jer ýchaskeleri - 8 mln teńge;
- «LEXUS RX 300» - 28 mln teńge;
- «Hyundai Santa Fe» - 8,2 mln teńge;
- «Toyota Camry 75» - 15 mln teńge;
- «Toyota Land Cruiser Prado» 150;
- Brendtik taýarlar men qumar oiyndar - 9,7 mln teńge;
- «Facebook Ads» jarnama platformasyna tólem - 481 mln teńge;
- Qaryzdaryn óteý - 349,5 mln teńge;
QR QK-niń 74-babynyń 1-bóligin qoldana otyryp, sot jazany óteýdi kámeletke tolmaǵan balasy bar T.-ǵa 2 jylǵa keiinge qaldyrdy.
