Azamattyq bastamalardy qoldaý ortalyǵynyń basqarma tóraiymy Lima Dias búgin bastalǵan «Qaiyrymdy ister marafonynyń» negizgi baǵyttary týraly aitty, dep habarlaidy QazAqparat.
«Qaiyrymdy ister» marafony aiasynda qandai qadamdar qamtylyp otyr? Birinshiden, memleket pen biznestiń, eriktilerdiń ári azamattardyń yntymaqtastyǵy men seriktestiginiń qoldaýyn bildiredi. «Qaiyrymdy ister marafony» jomarttyq men jaqsylyqtyń ideiasy negizindegi qoǵamdy qurýǵa umtylady. Marafonnyń tetigi metsenattar, úkimettik emes uiymdar jáne qarapaiym azamattar tap bolatyn basty máselelerge jaýap beredi», - dedi Lima Dias atalǵan marafonnyń ashylýyna arnalǵan jiynda.
Onyń aitýynsha, «Qaiyrymdy ister marafony» kómek pen qoldaýdyń aiqyn qurylymyn qurýǵa negizdeledi. Atalǵan marafonnyń uiymdastyrý komiteti ádistemelik, aqparattyq, túsindirý jáne uiymdastyrý kómegin iske asyrady. Azamattyq bastamalardy qoldaý ortalyǵy uiymdastyrý komiteti qadamdaryn úilestiretin bolady.
«Uiymdastyrý komiteti marafon uranymen memlekettik organdar, korporativti biznes-sektor men ÚEU tarapynan bastama retinde usynylatyn barlyq aqparat pen is-sharalardy qamtityn bolady. Osy oraida biryńǵai aqaparttyq keńistik qúrylady, onda túrli sanattardaǵy (donor, qaiyrymdylyq uiymy, erikti) marafon qatysýshylary tirkele alady», - dedi L. Dias.
