Qaiyrymdy ister marafonyna Nur-Sultan stýdentteri qosyldy, dep habarlaidy "Ult aqparat".
L.N.Gýmilev atyndaǵy Eýraziia ulttyq ýniversitetiniń jastary astanadaǵy qarttar úiiniń aýlasyn tazartyp, qaiyrymdy ister bastamasyna qosyldy.
El Táýelsizdiginiń 30 jyldyǵyna orai «Qaiyrymdy ister marafony» jalpyulttyq jobasynyń aiasynda uiymdastyrylǵan sharaǵa jiyrmadan asa stýdent qatysty. Olar Nur-Sultan qalasy, Aqqorǵan kóshesi boiynda ornalasqan «Sharapat» áleýmettik qyzmet kórsetý ortalyǵy aýmaǵyn qardan tazartty.
Aita keteiik, «Qaiyrymdy ister marafony» bastamasyn byltyr jeltoqsan aiynda Volonter jylynyń jabylý rásiminde Qazaqstannyń Prezidenti Qasym-Jomart Toqaev jariia etken bolatyn.
Prezident Táýelsizdiktiń 30 jyldyǵy – el damýyndaǵy asa mańyzdy beles, tarihi meje jáne jetistigimizdi saralap, bolashaǵymyzdy baǵamdaityn kezeń ekenin atady. Al biyl óziniń shirek ǵasyr – 25 jyldyǵyn atap ótetin Eýraziia ulttyq ýniversitetiniń jastary mundai igi sharadan syrt qalǵan emes.
«Bul bizdiń alǵashqy nemese sońǵy qolǵabysymyz emes, aldaǵy ýaqytta mundai igi isterimiz óz jalǵasyn tabatyn bolady. Aldaǵy ýaqytta qalamyzdaǵy jalǵyz basty qariialar men balalar úiiniń tárbielenýshilerimen de túrli sharalar uiymdastyramyz»,- deidi Jastar ortalyǵynyń tóraǵasy Aian Sálimgereev.
Jalyndaǵan jastardyń bul qaiyrymdy isine qarttar úiiniń qyzmetkerleri men qariialar alǵystaryn bildirdi.
