قايىرىمدى ٸستەر مارافونىنا نۇر-سۇلتان ستۋدەنتتەرٸ قوسىلدى, دەپ حابارلايدى "ۇلت اقپارات".
ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ جاستارى استاناداعى قارتتار ٷيٸنٸڭ اۋلاسىن تازارتىپ, قايىرىمدى ٸستەر باستاماسىنا قوسىلدى.
ەل تەۋەلسٸزدٸگٸنٸڭ 30 جىلدىعىنا وراي «قايىرىمدى ٸستەر مارافونى» جالپىۇلتتىق جوباسىنىڭ اياسىندا ۇيىمداستىرىلعان شاراعا جيىرمادان اسا ستۋدەنت قاتىستى. ولار نۇر-سۇلتان قالاسى, اققورعان كٶشەسٸ بويىندا ورنالاسقان «شاراپات» ەلەۋمەتتٸك قىزمەت كٶرسەتۋ ورتالىعى اۋماعىن قاردان تازارتتى.
ايتا كەتەيٸك, «قايىرىمدى ٸستەر مارافونى» باستاماسىن بىلتىر جەلتوقسان ايىندا ۆولونتەر جىلىنىڭ جابىلۋ رەسٸمٸندە قازاقستاننىڭ پرەزيدەنتٸ قاسىم-جومارت توقاەۆ جارييا ەتكەن بولاتىن.
پرەزيدەنت تەۋەلسٸزدٸكتٸڭ 30 جىلدىعى – ەل دامۋىنداعى اسا ماڭىزدى بەلەس, تاريحي مەجە جەنە جەتٸستٸگٸمٸزدٸ سارالاپ, بولاشاعىمىزدى باعامدايتىن كەزەڭ ەكەنٸن اتادى. ال بيىل ٶزٸنٸڭ شيرەك عاسىر – 25 جىلدىعىن اتاپ ٶتەتٸن ەۋرازييا ۇلتتىق ۋنيۆەرسيتەتٸنٸڭ جاستارى مۇنداي يگٸ شارادان سىرت قالعان ەمەس.
«بۇل بٸزدٸڭ العاشقى نەمەسە سوڭعى قولعابىسىمىز ەمەس, الداعى ۋاقىتتا مۇنداي يگٸ ٸستەرٸمٸز ٶز جالعاسىن تاباتىن بولادى. الداعى ۋاقىتتا قالامىزداعى جالعىز باستى قارييالار مەن بالالار ٷيٸنٸڭ تەربيەلەنۋشٸلەرٸمەن دە تٷرلٸ شارالار ۇيىمداستىرامىز»,- دەيدٸ جاستار ورتالىعىنىڭ تٶراعاسى ايان سەلٸمگەرەەۆ.
جالىنداعان جاستاردىڭ بۇل قايىرىمدى ٸسٸنە قارتتار ٷيٸنٸڭ قىزمەتكەرلەرٸ مەن قارييالار العىستارىن بٸلدٸردٸ.
