4 shildede «Qaiyrymdy ister marafony» jobasynyń aiasynda «Jana Dunie» qoǵamdyq qory Qapshaǵai tasjolyn vandaldyq jazbalardan tazartýǵa baǵyttalǵan aktsiia ótkizedi, dep habarlaidy "Ult aqparat".
«Tabiǵat ta jaýap bere alady» taqyrybynda qorshaǵan ortany qorǵaýǵa arnalǵan aktsiiaǵa jergilikti belsendiler, volonterler men qazaqstandyq Tik-Tok juldyzdary qatyspaqshy.
«Pandemiia men shekaralardyń jabylýy ishki týrizmdi damytýdyń jańa múmkindikterine jol ashty. Keiingi bir jarym jyldyń ishinde qazaqstandyqtardyń deni jergilikti týristik baǵdarlarǵa kóbirek kóńil bóle bastady. Alaida Qazaqstannyń tabiǵi kórneki oryndary men qasietti jerlerinde týrister ózderinen keiin tastap ketetin qoqystar men «jartasqa jazylǵan jazýlardyń» da sany kóbeiip ketti. Osy rette ekologiialyq aktsiia qazaqstandyqtardyń nazaryn atalǵan problemaǵa aýdartyp, tabiǵatqa bastapqy kórki men biregei sulýlyǵyn qaitarýdy kózdeidi», - delingen uiymdastyrýshylar taratqan relizde.
Jobaǵa «Kazakh Tourism», «Amaty VitRina», fotograftar birlestigi men qazaqstandyq tiktokerler qoldaý bildirgen. Mundai aktsiialar Qazaqstannyń birneshe aimaǵynda, atap aitqanda Qarqaraly memlekettik ulttyq tabiǵi parki men Býrabaida ótken.
