4 شٸلدەدە «قايىرىمدى ٸستەر مارافونى» جوباسىنىڭ اياسىندا «Jana Dunie» قوعامدىق قورى قاپشاعاي تاسجولىن ۆاندالدىق جازبالاردان تازارتۋعا باعىتتالعان اكتسييا ٶتكٸزەدٸ, دەپ حابارلايدى "ۇلت اقپارات".
«تابيعات تا جاۋاپ بەرە الادى» تاقىرىبىندا قورشاعان ورتانى قورعاۋعا ارنالعان اكتسيياعا جەرگٸلٸكتٸ بەلسەندٸلەر, ۆولونتەرلەر مەن قازاقستاندىق Tik-Tok جۇلدىزدارى قاتىسپاقشى.
«پاندەمييا مەن شەكارالاردىڭ جابىلۋى ٸشكٸ تۋريزمدٸ دامىتۋدىڭ جاڭا مٷمكٸندٸكتەرٸنە جول اشتى. كەيٸنگٸ بٸر جارىم جىلدىڭ ٸشٸندە قازاقستاندىقتاردىڭ دەنٸ جەرگٸلٸكتٸ تۋريستٸك باعدارلارعا كٶبٸرەك كٶڭٸل بٶلە باستادى. الايدا قازاقستاننىڭ تابيعي كٶرنەكٸ ورىندارى مەن قاسيەتتٸ جەرلەرٸندە تۋريستەر ٶزدەرٸنەن كەيٸن تاستاپ كەتەتٸن قوقىستار مەن «جارتاسقا جازىلعان جازۋلاردىڭ» دا سانى كٶبەيٸپ كەتتٸ. وسى رەتتە ەكولوگييالىق اكتسييا قازاقستاندىقتاردىڭ نازارىن اتالعان پروبلەماعا اۋدارتىپ, تابيعاتقا باستاپقى كٶركٸ مەن بٸرەگەي سۇلۋلىعىن قايتارۋدى كٶزدەيدٸ», - دەلٸنگەن ۇيىمداستىرۋشىلار تاراتقان رەليزدە.
جوباعا «Kazakh Tourism», «Amaty VitRina», فوتوگرافتار بٸرلەستٸگٸ مەن قازاقستاندىق تيكتوكەرلەر قولداۋ بٸلدٸرگەن. مۇنداي اكتسييالار قازاقستاننىڭ بٸرنەشە ايماعىندا, اتاپ ايتقاندا قارقارالى مەملەكەتتٸك ۇلتتىق تابيعي پاركٸ مەن بۋرابايدا ٶتكەن.
