Foto: ashyq derekkóz
Túrkistan oblystyq máslihatynyń 25 jastaǵy depýtaty Nuraiym Shaqimergen ózine qatysty áleýmettik jelilerde taraǵan aqparattan keiin jeke ómiri týraly túsinikteme berdi. Ol bul jazbany paraqshasynda jariialap, jaǵdaiǵa bailanysty ishki kúiin bólisti, dep habarlaidy Ult.kz.
Depýtat kópshilikke óziniń qiyn kezeńnen ótip júrgenin, balasyn jalǵyz tárbielep otyrǵanyn jáne jeke ómirinde aýyr jaǵdailar oryn alǵanyn ashyq aitty. Onyń sózinshe, ol ákesiz óskendikten, ómirinde er adamnyń qoldaýy men qamqorlyǵyn sezinýge muqtaj bolǵan.
"Bul jazbany qandai aýyr kúide jazyp otyrǵanymdy ózim ǵana bilemin. Men – qolynda kishkentai sábii bar, júregi jaralanǵan, ajyrasqan áielmin. Men – ákesiz ósken qyzbyn. Sondyqtan, iá… “er adamnyń jylýyna” muqtaj bolatynym anyq edi. Áke degen – bólek álem. Túsiniksiz, qol jetpes, biraq janyńa kerek eń jyly nárse", – dep jazdy ol.
Jazbada Nuraiym Shaqimergen bir adamǵa senip, oǵan júregin ashqanyn, biraq senimi aqtalmaǵanyn jasyrmady. Onyń aitýynsha, bastapqyda ózine úilenemin dep ýáde bergen azamat sońǵy sátte sheshimnen bas tartyp, otbasylyq qysymnan qorqyp, únsiz ketip qalǵan.
"Basynda maǵan úilený úshin barlyǵyn jasady. Sendirdi. Ár sózin dáleldegendei boldy. Men sendim. Al sheshim qabyldaityn sát kelgende – qaiynjurtynan qorqyp, olardy tańdady. Qashyp ketti. Únsiz ketti. Men oǵan renjimeimin. Bul onyń tańdaýy. Onyń shamasy. Al men ózimdi tańdadym", – dep jazǵan.
Shaqimergen bul jaǵdaidy ómirlik sabaq retinde qabyldap otyr. Ol ózin kinálamaitynyn, qaita osy oqiǵa arqyly mańyzdy túiin jasaǵanyn atap ótti.
Sondai-aq jas depýtat oqyrmandarynan onyń jeke ómirin emes, qyzmettegi eńbegin baǵalaýdy surady. Ol ákelerge qyzdaryna meiirim men qorǵan bolý qajettigin eskertip, óz ómirindegi aýyrlyqty eshbir qyzdyń basyna bermeýdi tiledi.
"Qadirli ákeler! Qyzyńyzǵa bar meiirimińizdi berińiz. Qushaǵyńyz, sózińiz, qorǵaýyńyz oǵan ómirlik tirek bolsyn. Meniń ómirim eshbir qyzdyń taǵdyryna ainalmasyn. Al meniń zamandastaryma – meniń jeke ómirimdi emes, 25 jastaǵy Nuraiymnyń qyzmettik jolyn, eńbegin, tabandylyǵyn kórýdi jazsyn dep tileimin", – dep jazdy ol.
Jazba sońynda ol elge adal eńbek etýdi basty mindeti sanaitynyn jáne ulynyń ózimen maqtanýy úshin bar kúshin salatynyn aitty.
Aita keteiik, buǵan deiin Májilis depýtaty Temir Qyryqbaev Túrkistan oblystyq maslihatynyń 25 jastaǵy depýtaty Nuraiym Shaqimergenmen bas qosqanyn, balaly bolǵanyn málimdegen.
