"قايىن جۇرتىنان قورقىپ ماعان ٷيلەنبەدٸ": دەپۋتاتتىڭ توقالى شىندىقتى جايىپ سالدى

فوتو: اشىق دەرەككٶز

تٷركٸستان وبلىستىق مەسليحاتىنىڭ 25 جاستاعى دەپۋتاتى نۇرايىم شاقيمەرگەن ٶزٸنە قاتىستى ەلەۋمەتتٸك جەلٸلەردە تاراعان اقپاراتتان كەيٸن جەكە ٶمٸرٸ تۋرالى تٷسٸنٸكتەمە بەردٸ. ول بۇل جازبانى پاراقشاسىندا جارييالاپ, جاعدايعا بايلانىستى ٸشكٸ كٷيٸن بٶلٸستٸ, دەپ حابارلايدى Ult.kz.

دەپۋتات كٶپشٸلٸككە ٶزٸنٸڭ قيىن كەزەڭنەن ٶتٸپ جٷرگەنٸن, بالاسىن جالعىز تەربيەلەپ وتىرعانىن جەنە جەكە ٶمٸرٸندە اۋىر جاعدايلار ورىن العانىن اشىق ايتتى. ونىڭ سٶزٸنشە, ول ەكەسٸز ٶسكەندٸكتەن, ٶمٸرٸندە ەر ادامنىڭ قولداۋى مەن قامقورلىعىن سەزٸنۋگە مۇقتاج بولعان.

"بۇل جازبانى قانداي اۋىر كٷيدە جازىپ وتىرعانىمدى ٶزٸم عانا بٸلەمٸن. مەن – قولىندا كٸشكەنتاي سەبيٸ بار, جٷرەگٸ جارالانعان, اجىراسقان ەيەلمٸن. مەن – ەكەسٸز ٶسكەن قىزبىن. سوندىقتان, يە… “ەر ادامنىڭ جىلۋىنا” مۇقتاج بولاتىنىم انىق ەدٸ. ەكە دەگەن – بٶلەك ەلەم. تٷسٸنٸكسٸز, قول جەتپەس, بٸراق جانىڭا كەرەك ەڭ جىلى نەرسە", – دەپ جازدى ول.

جازبادا نۇرايىم شاقيمەرگەن بٸر ادامعا سەنٸپ, وعان جٷرەگٸن اشقانىن, بٸراق سەنٸمٸ اقتالماعانىن جاسىرمادى. ونىڭ ايتۋىنشا, باستاپقىدا ٶزٸنە ٷيلەنەمٸن دەپ ۋەدە بەرگەن ازامات سوڭعى سەتتە شەشٸمنەن باس تارتىپ, وتباسىلىق قىسىمنان قورقىپ, ٷنسٸز كەتٸپ قالعان.

"باسىندا ماعان ٷيلەنۋ ٷشٸن بارلىعىن جاسادى. سەندٸردٸ. ەر سٶزٸن دەلەلدەگەندەي بولدى. مەن سەندٸم. ال شەشٸم قابىلدايتىن سەت كەلگەندە – قايىنجۇرتىنان قورقىپ, ولاردى تاڭدادى. قاشىپ كەتتٸ. ٷنسٸز كەتتٸ. مەن وعان رەنجٸمەيمٸن. بۇل ونىڭ تاڭداۋى. ونىڭ شاماسى. ال مەن ٶزٸمدٸ تاڭدادىم", – دەپ جازعان.

شاقيمەرگەن بۇل جاعدايدى ٶمٸرلٸك ساباق رەتٸندە قابىلداپ وتىر. ول ٶزٸن كٸنەلامايتىنىن, قايتا وسى وقيعا ارقىلى ماڭىزدى تٷيٸن جاساعانىن اتاپ ٶتتٸ.

سونداي-اق جاس دەپۋتات وقىرماندارىنان ونىڭ جەكە ٶمٸرٸن ەمەس, قىزمەتتەگٸ ەڭبەگٸن باعالاۋدى سۇرادى. ول ەكەلەرگە قىزدارىنا مەيٸرٸم مەن قورعان بولۋ قاجەتتٸگٸن ەسكەرتٸپ, ٶز ٶمٸرٸندەگٸ اۋىرلىقتى ەشبٸر قىزدىڭ باسىنا بەرمەۋدٸ تٸلەدٸ.

"قادٸرلٸ ەكەلەر! قىزىڭىزعا بار مەيٸرٸمٸڭٸزدٸ بەرٸڭٸز. قۇشاعىڭىز, سٶزٸڭٸز, قورعاۋىڭىز وعان ٶمٸرلٸك تٸرەك بولسىن. مەنٸڭ ٶمٸرٸم ەشبٸر قىزدىڭ تاعدىرىنا اينالماسىن. ال مەنٸڭ زامانداستارىما – مەنٸڭ جەكە ٶمٸرٸمدٸ ەمەس, 25 جاستاعى نۇرايىمنىڭ قىزمەتتٸك جولىن, ەڭبەگٸن, تاباندىلىعىن كٶرۋدٸ جازسىن دەپ تٸلەيمٸن", – دەپ جازدى ول.

جازبا سوڭىندا ول ەلگە ادال ەڭبەك ەتۋدٸ باستى مٸندەتٸ سانايتىنىن جەنە ۇلىنىڭ ٶزٸمەن ماقتانۋى ٷشٸن بار كٷشٸن سالاتىنىن ايتتى.

ايتا كەتەيٸك, بۇعان دەيٸن مەجٸلٸس دەپۋتاتى تەمٸر قىرىقباەۆ تٷركٸستان وبلىستىق ماسليحاتىنىڭ 25 جاستاعى دەپۋتاتى نۇرايىم شاقيمەرگەنمەن باس قوسقانىن, بالالى بولعانىن مەلٸمدەگەن.