بەلگٸلٸ تەلەجٷرگٸزۋشٸ دانا نۇرجٸگٸتتٸڭ ۇلى ەلٸم اناسىنىڭ “كٶلەڭكە” كٸتابىنىڭ تۇساۋكەسەرٸندە سٶز سٶيلەپ, وتباسى باسىنان ٶتكەرگەن اۋىر كەزەڭدٸ ەسكە الدى, دەپ حابارلايدى ult.kz.
كٸتاپتىڭ تانىستىرىلىمىندا ەلٸم اناسىنا جٷرەكجاردى تٸلەگٸن ارناپ, ونىڭ جاڭا تۋىندىسىنىڭ قوعام ٷشٸن ماڭىزى زور ەكەنٸن اتاپ ٶتتٸ.
ول “كٶلەڭكە” كٸتابىن جاي عانا شىعارما ەمەس, ستالكينگ مەسەلەسٸنە تاپ بولعان ادامدارعا باعىت-باعدار بەرەتٸن ەڭبەك دەپ باعالادى.
“ەڭ الدىمەن ٶز انامدى قۇتتىقتاعىم كەلەدٸ. انام ەكەۋمٸز كٶرگەن قيىندىقتى جاۋىما دا تٸلەمەيمٸن. بۇل بٸلٸم تۋرالى كٸتاپ ەمەس, بۇل – ينسترۋكتسييا. ستالكينگ – ەلەۋمەتتٸك مەسەلە. مۇنداي جاعدايدى تەك انام ەكەۋمٸز عانا باستان ٶتكەرگەن جوقپىز. قازاقستاندا مۇنداي وقيعالار كٶپ”, – دەدٸ ەلٸم.
وسىلايشا, تەلەجٷرگٸزۋشٸنٸڭ ۇلى اناسىنىڭ باسىنان ٶتكەن جاعدايدىڭ بٸر وتباسىنىڭ عانا مەسەلەسٸ ەمەس ەكەنٸن جەتكٸزٸپ, قوعام نازارىن ستالكينگتٸڭ زارداپتارىنا اۋداردى.
ايتا كەتەيٸك, دانا نۇرجٸگٸت بۇعان دەيٸن ەكٸنشٸ رەت تۇرمىس قۇرۋدى جوسپارلاعان كەزەڭدە ستالكينگكە تاپ بولعانىن مەلٸمدەگەن ەدٸ.
تەلەجٷرگٸزۋشٸنٸڭ “كٶلەڭكە” اتتى كٸتابى وسى تاقىرىپتى كٶتەرٸپ, ادامنىڭ جەكە شەكاراسىن بۇزۋ, قۋدالاۋ جەنە ونىڭ سالدارى تۋرالى قوعامدا اشىق ەڭگٸمە قوزعاۋدى ماقسات ەتەدٸ.
ەسكە سالا كەتەيٸك, بۇعان دەيٸن دانا نۇرجٸگٸت العاشقى نەكەسٸ مەن ۇلىنا قاتىستى جەكە ٶمٸرٸندەگٸ جايتتاردى اشىق ايتىپ بەرگەن ەدٸ.
