Tursynbek Qabatovtyń ekinshi áieli Aiman Talǵatqyzy enesimen birge túsken videosyn bólisti, dep habarlaidy ult.kz.

Áleýmettik jelide taraǵan beinejazbada Aimannyń ázilkeshtiń anasynyń aldynda bilep júrgeni kórinedi.

Video jeli qoldanýshylarynyń túrli pikirine sebep boldy. Biri Aimannyń enesiniń kóńilin kóterýge tyrysqanyn jyly qabyldasa, endi biri anasynyń júzinen kóńilsizdik baiqaǵanyn jazdy.

“Amalsyzdan otyrǵan siiaqty mamasy”, “Kózinde muń bar”, “Kóńil kúii joq”, “Kóńilin aýlasa da, kúlmeidi”, “Mynaǵan ashýy kelip jatqan siiaqty”, – dep pikir qaldyrdy oqyrmandar.

Tursynbek Qabatov kim?

Tursynbek Amanǵaliuly Qabatov – qazaqstandyq ázilkesh, akter, telejúrgizýshi jáne prodiýser. Ol 1979 jylǵy 10 qazanda Batys Qazaqstan oblysy Qaztalov aýdanynyń Aqpáter aýylynda dúniege kelgen. Kópshilikke KVN oiyndary men ázil-syqaq keshterindegi óneri arqyly tanyldy.

Óner jolynda “Astana.kz” jáne “Qazaqtar” komandalarynyń quramynda sahnaǵa shyǵyp, respýblikalyq jáne halyqaralyq deńgeidegi saiystarǵa qatysty. Keiin jeke kontsertterin ótkizip, qazaq tilindegi ázil janrynda ózindik aýditoriiasyn qalyptastyrdy. Onyń monologtarynda otbasylyq qarym-qatynas, aýyl men qala tirshiligi, adam minezi jáne qoǵamdaǵy kúndelikti máseleler qozǵalady. Turmysta jii kezdesetin jaǵdailardy kórermenge tanys tilmen, ázil arqyly jetkizýi – sahnalyq máneriniń ereksheligi.

Tursynbek Qabatovtyń shyǵarmashylyq qyzmeti “Ázil álemi” teatrymen de bailanysty. Ol sahnalyq qoiylymdar men kontserttik baǵdarlamalardy uiymdastyrýǵa atsalysyp, akterlik ónermen qatar shyǵarmashylyq ujymǵa jetekshilik etý baǵytynda jumys istedi. Sondai-aq “Kóńildi tapqyrlar alańy” jobasy arqyly jas ázilkeshterdiń úlken sahnaǵa shyǵýyna múmkindik berip keledi.

Óner salasyndaǵy eńbegi úshin 2014 jyly “Mádeniet salasynyń úzdigi” tósbelgisimen marapattalyp, Qaztalov aýdanynyń qurmetti azamaty atandy. Al 2015 jyly oǵan Qazaqstannyń eńbek sińirgen qairatkeri qurmetti ataǵy berildi.