Foto Evgenii Muhamedjanovtyń jelidegi paraqshasynan alynǵan
Almatyda 7-synyp oqityn eki qyz kópqabatty úidiń shatyrynan qulap kóz jumdy. Qaiǵyly oqiǵa tańǵy saǵat 10:00 shamasynda Almaly aýdanynda boldy. Bul týraly Stan.kz aqparat agenttigi habarlaidy.
Málimetterge sensek, qaiǵyly oqiǵa qalanyń Almaly aýdanyndaǵy Jambyl kóshesi men Seifýllin dańǵylynyń qiylysynda bolǵan.
Munyń bári oqý-tárbie protsesinde boldy. Olardyń aitýynsha, qyzdar dene shynyqtyrý sabaǵynan suranyp ketip, mektep kúzetshisine dúkenge baratyndaryn aitqan. Bilim oshaǵynyń basshylyǵy túsinikteme berýden bas tartty. Mektep oqýshylarynyń ata-analary búgin osy oqiǵaǵa bailanysty balalardyń barlyǵyn úiine qaitaryp jibergenin habarlady.
"Qyzdar tańerteń sabaqtan suranyp ketken. Olar №25 gimnaziiada 7-synyp oqityn. Ózine qol jumsady nemese olardy laqtyryp jibergen degen de boljam bar. Eki qyz da bizdiń turǵyn úide turmaidy. Alaida bizdiń úidegi shatyrǵa shyǵý ońai bolatyn. Úiimiz "Jeleznodorojnik" KMK-ǵa qaraidy, ony Janar Januzaqova basqarady", – dedi toǵyzynshy qabat turǵyny.
Turǵyn birneshe márte kommýnaldyq qyzmet basshylyǵyna shatyrdy jaýyp tastaý kerek ekenin aitqan. Biraq basshy áiel múldem qulyptamaǵan.
"Qulypty ózimiz birneshe ret ornattyq. Biraq jumysshylar shatyrǵa shyǵý kerek bolǵanda ony alyp tastaidy. Aitpaqshy, osy oqiǵadan keiin birden ákimdik qaladaǵy barlyq "KSK" men "OSI"-ge shatyrǵa shyǵatyn barlyq kireberisti qulyppen jáne shynjyrmen jabý kerek ekeni týraly habarlama jiberdi", – dedi turǵyn HALYQSTAN-ǵa bergen málimdemesinde.
Úi turǵyndarynyń aitýynsha, sot-meditsinalyq sarapshylar shatyrdy tekserip, odan pyshaqtar men tabletkalar tapqan. Almaly aýdandyq ishki ister bólimi qylmystyq is qozǵaǵanyn habarlady. Oqiǵanyń sebebi men mán-jaiy anyqtalyp jatyr.
"Áleýmettik jelilerde búginde Almatyda bir ýaqytta birneshe bala ózine qol jumsady degen aqparat tarady. Buryn habarlanǵandai, eki qyzdyń ólimine qatysty qylmystyq is qozǵaldy", – dep habarlady vedomstvonyń baspasóz qyzmeti.
Politsiianyń málimetinshe, megapoliste osyndai bir ǵana oqiǵa bolǵan. Ótken aptada 13 jasar qyz terezeden qulap ketken.
Keibir málimetterge qaraǵanda, qaza tapqan qyzdardyń biri belgili ekolog Evgenii Muhamedjanovtyń qyzy.
"Súiikti qyzymyz, kishkentai perishtemiz qaitys boldy. Men senbeimin, bulai bolýy múmkin emes", – dep jazdy onyń jubaiy Balhiia Muhamedjanova Facebook paraqshasynda.
Eske salaiyq, buǵan deiin Almatyda eki oqýshy qyz belgisiz jaǵdaida toǵyz qabatty úidiń tóbesinen qulap qaza tapqanyn jazdyq. Jergilikti turǵyndardyń dereginshe oqiǵa Jambyl kóshesi men Seifýllin dańǵylynyń qiylysynda bolǵan. Qyzdar toǵyz qabatty úidiń tóbesinen qulaǵan. Politsiia bolǵan oqiǵany rastady. Qalǵan jaǵdailar áli naqtylanyp jatyr.
