Elorda ákimdiginde meditsina qyzmetkerlerin memlekettik nagradalarmen marapattaý rásimi ótti. Bul týraly Nur-Sultan ákimdiginiń resmi saity habarlady.
Elordadaǵy kópbeiindi meditsinalyq ortalyqtyń hirýrgiia bóliminiń meńgerýshisi Oljabai Qojaǵaliev jaqynda kóz jumǵan bolatyn. Ol «Parasat» ordenimen marapattaldy. Marapatty qala ákiminiń orynbasary Baqtiiar Máken dárigerdiń uly Arman Qojaǵalievqa tabystady.
Oljabai Qojaǵaliev 1958 jyly 1 naýryzda Soltústik Qazaqstan oblysynda dúniege kelgen. Ómiriniń 34 jylyn óz mamandyǵyna arnaǵan. Aýdandyq aýrýhananyń dárigerinen bastap astanalyq emhananyń hirýrgiia bóliminiń meńgerýshisine deiin eńbek jolyn júrip ótken.
1986 jyldyń shildesinen 1987 jyldyń qyrkúiegine deiin - Mamlút ortalyq aýdandyq aýrýhanasynda hirýrgy. 1987 jyldyń qyrkúieginen 1991 jyldyń tamyzyna deiin aýdandyq aýrýhanalarda hirýrg boldy. 1991 jyldyń tamyzynan 1997 jyldyń tamyzyna deiin - Koreev aýdandyq aýrýhanasynyń hirýrgiia bóliminiń meńgerýshisi.
1997 jyldyń qyrkúieginen 1999 jyldyń sáýirine deiin - diagnostikalyq bólimniń endoskopisti.
1999 jyldyń sáýirinen 1999 jyldyń jeltoqsanyna deiin - Astana qalasynyń Meditsinalyq qyzmetterge aqy tóleý ortalyǵy departamentiniń meditsinalyq qyzmetter sapasyn basqarý bóliminiń jetekshi mamany.
1999 jylǵy jeltoqsannan 2000 jylǵy maýsymǵa deiin - elordalyq meditsinalyq qyzmetter departamentiniń meditsinalyq-analitikalyq bóliminiń sarapshy hirýrgi-bas mamany.
2000 jyldyń maýsymynan 2009 jyldyń naýryzyna deiin - irińdi hirýrgiia bóliminiń meńgerýshisi. 2009 jyldyń naýryzynan 2015 jyldyń tamyzyna deiin - hirýrgiia bóliminde hirýrg.
2015 jyldyń tamyz aiynan bastap qazirgi ýaqytqa deiin Nur-Sultan qalasy ákimdiginiń №2 kópsalaly meditsinalyq ortalyǵy hirýrgiia bóliminiń meńgerýshisi bolyp jumys istedi.
