ەلوردا ەكٸمدٸگٸندە مەديتسينا قىزمەتكەرلەرٸن مەملەكەتتٸك ناگرادالارمەن ماراپاتتاۋ رەسٸمٸ ٶتتٸ. بۇل تۋرالى نۇر-سۇلتان ەكٸمدٸگٸنٸڭ رەسمي سايتى حابارلادى.
ەلورداداعى كٶپبەيٸندٸ مەديتسينالىق ورتالىقتىڭ حيرۋرگييا بٶلٸمٸنٸڭ مەڭگەرۋشٸسٸ ولجاباي قوجاعاليەۆ جاقىندا كٶز جۇمعان بولاتىن. ول «پاراسات» وردەنٸمەن ماراپاتتالدى. ماراپاتتى قالا ەكٸمٸنٸڭ ورىنباسارى باقتييار مەكەن دەرٸگەردٸڭ ۇلى ارمان قوجاعاليەۆقا تابىستادى.
ولجاباي قوجاعاليەۆ 1958 جىلى 1 ناۋرىزدا سولتٷستٸك قازاقستان وبلىسىندا دٷنيەگە كەلگەن. ٶمٸرٸنٸڭ 34 جىلىن ٶز ماماندىعىنا ارناعان. اۋداندىق اۋرۋحانانىڭ دەرٸگەرٸنەن باستاپ استانالىق ەمحانانىڭ حيرۋرگييا بٶلٸمٸنٸڭ مەڭگەرۋشٸسٸنە دەيٸن ەڭبەك جولىن جٷرٸپ ٶتكەن.
1986 جىلدىڭ شٸلدەسٸنەن 1987 جىلدىڭ قىركٷيەگٸنە دەيٸن - ماملٷت ورتالىق اۋداندىق اۋرۋحاناسىندا حيرۋرگى. 1987 جىلدىڭ قىركٷيەگٸنەن 1991 جىلدىڭ تامىزىنا دەيٸن اۋداندىق اۋرۋحانالاردا حيرۋرگ بولدى. 1991 جىلدىڭ تامىزىنان 1997 جىلدىڭ تامىزىنا دەيٸن - كورەەۆ اۋداندىق اۋرۋحاناسىنىڭ حيرۋرگييا بٶلٸمٸنٸڭ مەڭگەرۋشٸسٸ.
1997 جىلدىڭ قىركٷيەگٸنەن 1999 جىلدىڭ سەۋٸرٸنە دەيٸن - دياگنوستيكالىق بٶلٸمنٸڭ ەندوسكوپيستٸ.
1999 جىلدىڭ سەۋٸرٸنەن 1999 جىلدىڭ جەلتوقسانىنا دەيٸن - استانا قالاسىنىڭ مەديتسينالىق قىزمەتتەرگە اقى تٶلەۋ ورتالىعى دەپارتامەنتٸنٸڭ مەديتسينالىق قىزمەتتەر ساپاسىن باسقارۋ بٶلٸمٸنٸڭ جەتەكشٸ مامانى.
1999 جىلعى جەلتوقساننان 2000 جىلعى ماۋسىمعا دەيٸن - ەلوردالىق مەديتسينالىق قىزمەتتەر دەپارتامەنتٸنٸڭ مەديتسينالىق-اناليتيكالىق بٶلٸمٸنٸڭ ساراپشى حيرۋرگٸ-باس مامانى.
2000 جىلدىڭ ماۋسىمىنان 2009 جىلدىڭ ناۋرىزىنا دەيٸن - ٸرٸڭدٸ حيرۋرگييا بٶلٸمٸنٸڭ مەڭگەرۋشٸسٸ. 2009 جىلدىڭ ناۋرىزىنان 2015 جىلدىڭ تامىزىنا دەيٸن - حيرۋرگييا بٶلٸمٸندە حيرۋرگ.
2015 جىلدىڭ تامىز ايىنان باستاپ قازٸرگٸ ۋاقىتقا دەيٸن نۇر-سۇلتان قالاسى ەكٸمدٸگٸنٸڭ №2 كٶپسالالى مەديتسينالىق ورتالىعى حيرۋرگييا بٶلٸمٸنٸڭ مەڭگەرۋشٸسٸ بولىپ جۇمىس ٸستەدٸ.
