Foto: Egemen.kz
Aqmola oblysyndaǵy Qosshy jáne Makinsk qalalarynyń turǵyndaryn sýmen qamtamasyz etý úshin Arnaýly memlekettik qordan qarajat bólindi, dep habarlaidy Ult.kz.
Qosshy qalasynda sý qubyry júiesiniń qurylysyn aiaqtaýǵa 476,7 mln teńge bólindi. Jobany iske asyrý nátijesinde halyq 100% ortalyqtandyrylǵan sýmen qamtylady. Qazirgi tańda shamamen 50 shaqyrym qubyr tartylǵan. Nysandy jyl sońyna deiin tapsyrý kózdelgen.
Qoldanystaǵy injenerlik jeli 30 myń turǵynǵa eseptelgen. Al resmi derekterge sáikes, búginde Qosshyda 50 myńnan astam adam tirkelgen. Qalanyń bas josparyna sáikes, 2038 jylǵa qarai turǵyndar sany 150 myńnan asady dep boljanýda.
Makinsk qalasynda sý qubyry jelilerin qaita jańartý jumystary júrgizilýde. Joba boiynsha 72,7 shaqyrym jeli tartý qarastyrylǵan. Buǵan deiin bólingen qarajat esebinen búginde 45 shaqyrym boiynsha jumys aiaqtalǵan.
Arnaýly memlekettik qordan bólingen 606,4 mln teńge jobany tolyq aiaqtap, halqy 18 myńnan asatyn qalany ortalyqtandyrylǵan sýmen qamtamasyz etýge múmkindik beredi.
