© Sputnik / Kirill Kallinikov
Úsh kúnde quny 31 mln teńgeden asatyn qaitarylǵan aktivter satylǵan. Bul týraly "Qaitarylǵan aktivterdi basqarý kompaniiasy" jaýapkershiligi shekteýli seriktestigi habarlady.
30 sáýir, 2 jáne 6 mamyr kúnderi E-Qazyna elektrondy platformasynda ótken aýktsiondyq saýda-sattyq nátijesinde 9 saǵat pen 5 zergerlik buiym satyldy. Jalpy mámile somasy 31 mln teńgeden asady.
"Qaitarylǵan aktivterdi satý barlyq qatysýshyǵa teń qoljetimdilikti qamtamasyz etetin ashyq ári aiqyn tásil arqyly ótti. Saýda-sattyqtyń sátti ótýi naryq tarapynan mundai aktivterge joǵary qyzyǵýshylyq bar ekenin jáne aktivterdi sandyq formatta satýdyń senimdiligi artyp kele jatqanyn dáleldeidi", - deidi seriktetik.
Taraptar 10 jumys kúni ishinde satyp alý-satý shartyn jasasady. Aktiv jeńimpazǵa shart talaptaryna sáikes satýshynyń shotyna tolyq tólem jasalǵannan keiin ǵana beriledi.
Túsken qarajat arnaiy memlekettik qorǵa jiberiledi jáne odan ári áleýmettik mańyzy bar jobalardy qarjylandyrýǵa jumsalady.
