Qazaq ulttyq agrarlyq ýniversiteti janyndaǵy Halyqaralyq vaktsinologiia ortalyǵynyń direktory Qaisar Tabynov koronavirýsqa qarsy ekinshi ret vaktsina aldy, dep habarlaidy "Ult aqparat".
«Búgin zerthana janýarlaryn kezekti immýndaý úshin COVID-19-ǵa qarsy NARUVAX-C19/Nano vaktsinasy úlgisin ázirledik. Ózim úshin múldem tosynnan atalǵan vaktsinanyń qalǵanyn ózime salý sheshimin qabyldadym. Mundai jaqsy dúnie (20 mkg Spike/RBD tiin) kádege jaramsyz qalmaýy kerek qoi. Mende IgA (sekretsiialyq) antidenesin qalyptastyra ala ma, sony bilý qyzyqty bolyp tur. Ol jalpyǵa tanylǵan IgG, IgM antidenelerine qaraǵanda tynys alý organdarynyń shyryshty qabyrshaǵyndaǵy COVID-19 virýsyn joiýǵa jáne sol arqyly infektsiiany jibermeýge qabiletti», - dep jazdy Qaisar Tabynov Facebook paraqshasynda.
Esterińizge sala ketsek, Buǵan deiin ol avstraliialyq Vaxine Pty ltd shyǵarǵan COVAX-19 ekpesin qabyldaǵanyn jazǵan edik.
NARUVAX-C19 – Qazaq ulttyq agrarlyq ýniversiteti men AQSh-tyń Ogaio shtaty ýniversiteti birlesip ázirlegen vaktsina. Qazirgi ýaqytta ol klinikaǵa deiingi synaqtan ótkizilip jatyr.
