Qairat Satybaldyulynyń sybailasyna izdeý jariialandy, - dep habarlaidy "Ult aqparat" Antikordyń baspasóz qyzmetine silteme jasap.
Vedomstvo málimetinshe, Qazaqstan Respýblikasy Sybailas jemqorlyqqa qarsy is-qimyl agenttigi Qairat Satybaldyulyna qatysty biýdjetke tólenetin basqa da mindetti tólemderdi tóleýden jaltarý, sondai-aq qylmystyq jolmen alynǵan aqshany jáne ózge de múlikti zańdastyrý (jylystatý) derekteri boiynsha sotaldy tergeýdi jalǵastyryp jatyr.
"Tergeý barysynda Qairat Satybaldyulynyń asa senimdi adamy - Qazaqstan azamaty 1983 jyly týǵan Efendi Kemal, birqatar kommertsiialyq kásiporyn quryltaishysy jáne direktory anyqtaldy.
Efendidiń qylmystyq róli keden salasyndaǵy máselelerdi sheshý, qylmystyq jolmen alynǵan aqshany jáne basqa da múlikti zańdastyrý (jylystatý) boldy. Ol úshin oǵan Satybaldyuly shottan aqsha alýǵa senimhat bergen. Mysaly, Efendidiń bir epizody boiynsha ǵana 2018 jyldyń shildesi men tamyzynda 3 kún ishinde Satybaldyulynyń jeke shotynan qolma-qol 37 milliard teńge jáne 62 million aqsha alǵan", - delingen habarlamada.
Vedomstvo málimetinshe, biyl aqpannan bastap Efendi Qazaqstannan tys jerlerde jasyrynyp, qylmystyq qýdalaý organyna kelýden jaltaryp júrgen.
"Onyń quqyqqa qarsy áreketteri QR Qylmystyq kodeksiniń 218-baby 3-bóligi 3-tarmaǵy boiynsha saralanyp, izdeý jariialandy. Sotaldy tergeý jalǵasyp jatyr", - delingen Antikor habarlamasynda.
