Qairat Satybaldyulynyń memleket qaýipsizdigine nuqsan keltiretin basqa qylmystarǵa qatystylyǵy tekserilip jatyr. Bul týraly Sybailas jemqorlyqqa qarsy is-qimyl agenttiginiń tóraǵasy Oljas Bektenov aitty, dep habarlaidy QazAqparat.
Búgin Májilistiń jalpy otyrysynan keiin tilshiler agenttik basshysynan «Qazaqtelekomnan» qarajat jymqyrý isi boiynsha kúdikti Qairat Satybaldyulynyń qańtar oqiǵasyna qatystylyǵy tekserilip jatyr ma?» degen suraq qoidy.
Óz kezeginde Oljas Bektenov keshe taratylǵan aqparatta qańtar oqiǵasy týraly aitylmaǵanyn eske saldy.
«Memleket qaýipsizdigine nuqsan keltiretin basqa qylmystarǵa qatystylyǵy tekserilip jatyr. Osy faktilerdiń barlyǵy qaralady. Ony (Q. Satybaldyuly) bizdiń qyzmetkerler ustady. Bizdiń aqparat boiynsha Dýbaiǵa (ushaqpen) ketpek bolǵan», - dedi agenttik basshysy.
Budan buryn habarlanǵandai, Sybailas jemqorlyqqa qarsy qyzmet laýazymdyq ókilettikterin asyra paidalaný jáne «Qazaqtelekom» AQ-nyń qarajatyn asa iri kólemde urlaý faktileri boiynsha qylmystyq isti tergeýde.
Atalǵan qylmystardy jasady degen kúdikpen Qairat Satybaldyuly ustalyp, ýaqytsha ustaý izoliatoryna qamaldy.
