«Qairat» – «Real Madrid»: úlken toidaǵy uiymdastyrý olqylyqtary

Foto: Azattyk-ruhy.kz

Ult.kz-te jihankez jýrnalist Dinara Bolattyń ózge paiymy.

Asa tolqynyspen, asyǵa kútken “Qairat” jáne “Real Madrid” oiyny da ótti. Bitken iske synshy kóp emes, kózge anyq kóringen soń, halyq tikelei efir júrgizýshi telearnalar saitynyń, internettiń durys jumys istemeýine renishterin bildirdi. Odan bólek, biletterdiń ádil satylmaý esebinen stadionda fýtbolǵa qatysy joq adamdar kóp bolyp, shyn jankúierler syrtta qalyp “Qairat” oiynshylaryna qajet kezde qoldaýdyń bolmaǵany oiyn kezinde anyq kórindi.

Stadiondaǵy oiyndy tamashalaý úshin satylatyn biletterdiń baǵasyn da, onyń bólinýin de qarsy alýshy tarap,  iaǵni “Qairat” FK ózi qoidy. Uiymdastyrýshylardyń aitýynsha 2000 bilet VIP qonaqtar men demeýshilerge bólingen. Sonshama jankúierdiń ornyn alyp otyrǵan VIP qonaqtar kim? Demeýshiler de sonsha kóp emes edi. Odan bólek uiatty ysyryp qoiyp, ádetki baǵasyna baǵa qosyp, biletti qoljetimsiz etken alypsatarlar da kóp boldy.

Sheteldik tájiribe

Sheteldik tájiribede meili kontsert, meili fýtbol bolsyn alypsatarlarǵa jol bermes úshin ár adamnyń atyna jeke tirkelgen bilet júiesi qalyptasqan. Iaǵni sait, ne qosymsha arqyly bilet satyp alý barysynda mindetti túrde adamnyń aty-jóni, jeke qujat nómiri nemese JSN kórsetiledi. Shara bolatyn kúni 2-3 saǵat erte kelip, satyp alýshy jeke qujatyn kórsetip tulǵasyn rastaǵannan keiin ǵana qaǵaz bilettiń ózin alady. Bizde bilet satý habarlandyrýynda 2 biletten artyq satylmaidy, tek JSN arqyly dep eskertilgen. Alaida alypsatarlardyń qolynda sonsha bilet qaidan júr? Suraq kóp.

Taǵy bir eń myqty tásil biletterdi arnaiy qosymsha arqyly satý. Máselen álemdik týr kontsertteri jii ótetin Shyǵys Aziia, Ortalyq -Shyǵys Aziia elderinde tek qosymshadaǵy QR kod arqyly kiredi, skrinshot múldem qabyldanbaidy. Ári ár bilet bir smartfonǵa tirkelip, basqa qurylǵyǵa jiberilse kod avtomatty túrde óshedi. Bul júie arqyly jasandy, kóshirme biletterdi paidalaný múlde múmkin emes.

Al eger satyp alýshy kele almaityn jaǵdaida alǵan biletin tikelei satyp alǵan saitqa ótkizedi. Sait bilet jetpei qalǵan, kútý paraǵyna tirkelgen adamǵa sol bekitilgen baǵamen qaita satady. Bul amal keshegidei áleýmettik jelide “bara almaityn boldym. Mende 2 bilet bar” dep sharaǵa az kún qalǵanda ákesiniń qunyn suraityndarǵa kedergi bolar edi.

Paiym

Úlken toi ótti. Árkim ózine alatyn sabaǵyn aldy. Fýtbolshylarymyz ózge elge qonaq bolyp bararda oiynshylarymyzdyń sońynan bulai bir qaýym el bolyp bara almaitynymyz anyq. Óz jerimizge kelip turǵanda el bolyp qoldai almaǵanymyz ókinishti. Bul alǵashqy úlken toi. Kelesi joly uiymdastyrýshylar stadiondy oiyn kezinde ysqyryp, aiqailap qarsylastarǵa mentaldy qysym kórsetip, óz jigitterimizdi ár sátte qoldap, eńselerin tiktep jiberetin jankúierlerge toltyrady dep úmitteneiik.

Bárinen de ádette emotsiiaǵa sarań keletin orta jastaǵy qaltaly azamattar ishte otyryp, shyn jankúierlerdiń qoldaýy stadionnyń syrtynda qalyp qoiýy ókinishti.