Foto: ashyq derekkóz
Almatyda ótken «Qairat» – «Real Madrid» oiynyn kórýge 26-29 qyrkúiek aralyǵynda 5 myńnan astam sheteldik jankúier keldi. Qazaqstannyń ózge óńirlerinen aǵylǵan kórermendermen birge matchqa qatysýshylardyń jalpy sany ondaǵan myń adamǵa jetti. Bul týraly Almaty qalasy Týrizm basqarmasy «e-Qonaq» aqparattyq júiesiniń derekterine súiene otyryp habarlady.
Negizgi týrister legi Qytai, Úndistan, Resei, Japoniia, Ulybritaniia, Ispaniia, Chehiia jáne ózge de Eýropa elderinen kelgen.
Matchtyń ekonomikalyq áseri de zor bolmaq. Mastercard málimetinshe, Almatyǵa kelgen árbir sheteldik týrist ortasha eseppen 1 500 AQSh dollaryn jumsaidy. Bul soma qonaq úi, tamaqtaný, kólik, oiyn-saýyq pen saýdaǵa ketedi.
Sarapshylardyń pikirinshe, mundai shyǵyndar shaǵyn jáne orta biznestiń damýyna serpin berip, qyzmet kórsetý salasyn jandandyrady ári qala ekonomikasyna mýltiplikativti áser etedi.
