Osy aptada Shymkenttegi kontsertinde túsirilgen videosy úshin synǵa ushyraǵan Qairat Nurtastyń anasy ári prodiýseri Gúlzira Aidarbekova bul jaǵdaidy qara piǵyldy adamdardyń isi dep baǵalady. Bul týraly prodiýser Instagram jelisindegi paraqshasyn jazdy, - dep habarlaidy Tengrinews.kz tilshisi.
Onyń aitýynsha, áldekimder daýly video Internette turýy úshin tipti aqsha tólegen.
"(...) Árine maǵan aqtalyp qajeti joq, sonda da bolsa jurtty keri pikirge itermelep, osy ýaqytqa deiingi Qairattyń bar eńbegin joqqa shyǵarǵylary kelip otyrǵan toptyń qulaqtaryna altyn syrǵa. Tapsyryspen Qairatty masqaralaý úshin arnaiy jasalynyp otyrǵan túrli ádisteri qara piǵyldy azamattar eldi dúrliktirýde. Barlyq ýatsaptarǵa túgel taratylsyn degen golosovoi sms-tardy qaptatyp jumys jasalýda. 24 saǵat boiyna internette turatyn bolsyn dep aqsha tólegenderin de estidik", - dep jazdy ol.
Sondai-aq, ol Tengrinews.kz saityna bergen jaýabynda Saken Maiǵazievtiń pikir bildirgenine toqtaldy.
Tengrinews.kz saityna jaýabynda Saken Maiǵaziev biraq shyndyqty jazǵanyn oqydym. Ǵaliia Shaýdyrbaeva kompozitor, filolog, Jastar 1 telearnasy direktorynyń orynbasary da óz paraqshasyna joldapty. Áiteýir shyndyqty aityp shyryldaityn azamat-azamatshalardyń baryna da táýbe ettim. Abyroidy bergen Alla, bitken kúni ózi alar. Bir Allaǵa tapsyrdym. Osyndaida Qairattyń "Jaraly jannyń áni bul" atty ániniń sózderi esime túsedi. "Kúndestiń kúni qońyraý, sońymnan erip áli júr" degen", - degen Gúlzira Aidarbekova Qairat Nurtastyń qatysqan konkýrstarynyń videolaryn júktegen.
"Myna Karaoke de jandy daýyspen aitqan ánderi, Elimizdiń búkil konkýrstarynda alǵan jandy daýystaǵy jetistikteri, jandy daýysta bergen talai kontsertteri ótirikke janaspaityn shyndyqtar, inemen qudyq qazǵandai eńbekterimizdi, qasyqtap jiǵan abyroiymyzdy shelektep shasha salýǵa niettengender tań qaldyrmai qoimady. Birese ár shyqqan ánshimen salystyrý bitpeitin shegi joq ósek, áiteýir min izdeý. Elimizdiń basty máseleleri oryn alyp jatqanda, Qairat kimniń qytyǵyna tidi eken? Adam óltirý, qyz zorlaý, urlyq jasaý munyń qasynda túk bolmai qalǵandai, búkil ýatsapqa taratylsyn dep dúrliktirip álek. Árbir istiń artynda qaiyry bar demekshi, Alla qaiyryn bersin!", - dep qorytyndylady sózin Gúlzira Aidarbekova (grammatikalyq stili saqtalǵan).
Aita keteiik, munyń aldynda belgili ánshi Sáken Maiǵaziev mundai jaǵdai bes-alty jyl buryn Vitastyń ómirinde bolǵanyn jáne ándi aita almaidy dep kiná taǵý aǵattyq bolyp sanalatynyn aitqan.
Ánshiniń art direktory Mira Kelimbetova bolsa bul jaǵdaidy "qaskóiler onyń atyn qaralaǵysy keledi" dep baǵa bergen edi.
Eske salaiyq, Jeli qoldanýshylary qazaqstandyq tanymal ánshi Qairat Nurtasty Shymkentte án aityp turǵan videosynan keiin synap tastaǵan edi. Rolik Shymkentte maýsym aiynyń sońynda túsirilgen. Bul kontserttik baǵdarlamada ánshi "Seniń týǵan kúniń" ánin oryndaǵan. Áleýmettik jeliler men messendjerlerde taralǵan video kadrlarynan onyń notadan aýytqyǵanyn baiqaýǵa bolady.
