Ánshi Qairat Nurtas karantin rejimin buzǵany úshin ákimshilik jaýapqa tartyldy, dep habarlaidy "Ult aqparat".
Almaty qalasy sanitarlyq-epidemiologiialyq baqylaý departamenti basshysynyń orynbasary Sádýaqas Baiǵabulovtyń aitýynsha, ánshige 30 AEK, iaǵni 87 510 teńge aiyppul salyndy.
«Almaty qalasyndaǵy reid barysynda monitoringtik top oiyn-saýyq mekemeleriniń birinde 80-nen astam adamnyń qatysýymen ótip jatqan týǵan kúndi anyqtady. Kelýshiler arasynda Qairat Nurtas ta boldy, ol da basqalarmen birge ákimshilik quqyq buzýshylyq týraly hattama jasaý úshin politsiia basqarmasyna jetkizildi. Barlyǵyna 30 AEK kóleminde aiyppul salyndy», - dep atap ótti Sádýaqas Baiǵabulov.
Buǵan deiin, ánshiniń Almatyda jasyryn ótkizilgen toida bolǵany týraly jazǵan bolatynbyz.
