Tengrinews.kz kollajy
Ánshi Qairat Nurtas týǵan kúnin Maldiv araldarynda atap ótti, - dep habarlaidy Tengrinews.kz.
Ánshi týǵan kúnin Maldiv araldarynda atap ótetinin aldyn ala jariialaǵan bolatyn. Iaǵni, aqyly negizdegi 30 adamǵa arnalǵan 6 kúndik týr. Ánshi uiymdastyrǵan týr baǵdarlamasy boiynsha tanysý keshi, túrli oiyndar men ánshiniń týǵan kúnine arnalǵan án keshi ótti.
Qairattyń týǵan kúnin toilaýǵa Maldiv araldaryna blogerler kelgen. Erke Esmahan da tosynsyi retinde ánshini quttyqtap kelgen.
"Men úshin kelgen árbir janǵa alǵysym sheksiz! Aǵasyn qoldap kelgen Nurdáýlet pen Álisher baýyryma, tosynsyi bop kelip, tańǵaldyrǵan Erke dosyma Alla eki dúnieniń baqytyn násip etsin!" - dep jazdy Qairat Nurtas Instagram jelisindegi paraqshasynda.
Ánshiniń oqyrmandary balalaryn týǵan kúnin toilaýǵa nege alyp kelmegenin suraǵan. Qairat Nurtastyń áieli Juldyz Abdýkarimova ánshiniń oqyrmandaryn mazalaǵan suraqqa jaýap bergen. Juldyzdyń sózinshe, balalary áli mektepte oqyp jatqandyqtan, olardy Maldiv araldaryna jibere almaǵan.
"Balalardy sabaqtyń ústinen julyp alyp "sender eki kúnnen keiin qalasańdar da, qalamasańdar da ushasyńdar" demegenim úshin keshirińiz, olardyń oqýy men qalaýyn tańdaǵanym úshin keshirińiz, "ne isteiik?" dep sizben aqyldaspaǵanym úshin keshirińiz", - dep jaýap berdi Juldyz oqyrmannyń suraǵyna.
