Foto: Ashyq derekkózden
Tanymal ánshi Qairat Nurtasty Samat Janǵazin esimdi azamat ánin ruqsatsyz oryndady dep aiyptap otyr, dep habarlaidy Ult.kz.
Mihaila Kozachkovtyń telegram arnasynda án avtory, ári oryndaýshysy Samat Janǵazin Qairat Nurtastyń atyna joldaǵan úndeýin jariialaǵan.
Samat Janǵazinnyń aitýynsha, ol «O, Mahabbat» ánin ózi jazǵan. Alaida bul shyǵarmany Qairat Nurtas esh ruqsatsyz oryndap júr.
"Men Qairat Nurtastyń óz basyna jáne komandasyna qatysty eshqandai narazylyǵym joq. Qazaq estradasyna qosqan úlesińizdi syilaimyn. Biraq basqa oryndaýshylardyń shyǵarmashylyǵy ruqsatsyz paidalanylǵanyn durys emes dep esepteimin. Biz osy ándi shyǵarý úshin kompozitor Dáýren Sharipovpen jáne mátin avtory Saǵi Asanhanmen birge qanshama kúnder men ailar jumys istedik", - degen Samat Janǵazin ánniń avtorlyq quqyǵy ózine bekitilgenin aityp otyr.
Osyǵan bailanysty Janǵazin qazaqstandyq estrada juldyzyn resmi túrde eskertip, eger Qairat Nurtas avtorlyq quqyqty buzýdy jalǵastyratyn bolsa, sotqa júginýge májbúr bolatynyn aitady.
Sonymen qatar avtorlyq quqyqty buzǵany úshin 5 million teńgege deiin óndirip alý qarastyrylǵanyn eskertip jazady.
