Búgin Astanadadaǵy «Hilton Astana» qonaq úiinde Qazaqstan Respýblikasy Dziýdo federatsiiasynyń prezidentin sailaý maqsatynda kezekten tys konferentsiia ótti, dep habarlaidy QazAqparat tilshisi.
Otyrysty basqarǵan Sporttyq jekpe-jek jáne kúsh qoldanylatyn sport túrleri Konfederatsiiasynyń tóraǵasy Daniiar Ábilǵazin 2017 jyldyń 4 qańtarynda Dziýdo federatsiiasynyń prezidenti bolǵan Keńes Raqyshevtyń ókilettigi aiaqtalǵanyn, sodan beri osy laýazymnyń orny bos bolǵanyn atap ótti.
Sondai-aq, 2017 jyldyń 3 jeltoqsanynda kezekten tys Konferentsiia sheshimimen federatsiianyń bas hatshysy Samat Jylqybaevtyń ýaqytsha basqarý qyzmetin atqaryp kelgenin, búgingi tańda bul laýazymǵa Qairat Qojamjarovtyń kandidatýrasy usynylǵanyn jetkizdi.
«Federatsiia prezidentiniń laýazymyna Qairat Qojamjarovtyń kandidatýrasy usynyldy. Qairat Perneshuly - joǵary basqarý tájiribesi bar memleket qairatkeri jáne búginde Qazaqstan Respýblikasynyń Bas prokýrory qyzmetin atqarady», - dedi ol.
Osy oraida, konferentsiia músheleri Qazaqstan dziýdo federatsiiasynyń prezidenti retinde biraýyzdan Qairat Qojamjarovqa daýys berdi.
Osy oraida Qojamjarov senim artqan múshelerge alǵysyn jetkizip, «Ýaqyt óte kóp emes. Biraq ta bul jaýapty másele. Elbasy óziniń kelisimin berdi. Biz úshin sport - Qazaqstannyń namysy, maqtanyshy», - dep atap ótti.
Konferentsiiaǵa QR Mádeniet jáne sport ministri Arystanbek Muhamediuly, QR Mádeniet jáne sport vitse-ministri Sáken Musaibekov, QR Ulttyq Olimpiada komitetiniń bas hatshysy, Sporttyq jekpe-jek jáne kúsh qoldanylatyn sport túrleri Konfederatsiiasynyń tóraǵasy Daniiar Ábilǵazin, QR Dziýdo federatsiiasynyń damý jónindegi direktory Ashat Jitkeev, 2016 jylǵy Rio Olimpiadasynyń kúmis júldegeri, Álem chempiony Eldos Smetov, dziýdodan Álem chempiony Maksim Rakov, Álem chempionatynyń kúmis júldegeri Azamat Muqanov, dziýdodan QR ulttyq quramanyń bas bapkeri Aidyn Smaǵulov qatysty.
