Búgin Qazaqstan Respýblikasynyń Bas Prokýrory Qairat Qojamjarov Tájikstan Respýblikasynyń Bas Prokýrory Iýsýf Rahmonmen kezdesti.
Qadaǵalaý vedomstvolarynyń basshylary arasynda transulttyq qylmysqa, ekstremizmge jáne terrorizmge qarsy is-qimyl máseleleri syndarly talqylandy.
Qairat Qojamjarov qylmyskerlerdi ekstraditsiialaý, berý, urlanǵan aktivterdi qaitarý máselelerin keshendi sheshýge yqpal etetin óńirlik jáne halyqaralyq uiymdardyń tiimdiligin atap ótti.
Atalǵan aspektiler boiynsha Qazaqstan men Tájikstan azamattyq, otbasylyq jáne qylmystyq ister boiynsha quqyqtyq kómek pen quqyqtyq qatynastar týraly, bas bostandyǵynan aiyrýǵa sottalǵandardy jazasyn odan ári óteý úshin berý týraly jáne qylmystyq sot isin júrgizýge qatysýshylardy qorǵaý týraly konventsiialardyń qatysýshylary bolyp tabylady.
Qazaqstan terrorizmge qarsy kúres salasyndaǵy 16 halyqaralyq quqyqtyq qujatqa qosyldy.
Taraptar vedomstvolar arasyndaǵy qalyptasqan ekijaqty qatynastardy, sondai-aq qylmystyq-quqyqtyq saladaǵy ózara tiimdi yntymaqtastyqtyń keleshegin joǵary baǵalady.
Osyndai ózara is-qimyl aiasynda aǵymdaǵy jyly Qazaqstannan Tájikstanǵa 5 adam ekstraditsiialandy.
Elimizdiń túzeý mekemelerinde 75 tájik azamaty, Tájikstannyń qamaý oryndarynda 8 qazaqstandyq jazasyn ótep jatyr.
Sondai-aq, Bas Prokýror halyqaralyq terroristik uiymdardyń is-qimylyna erekshe nazar aýdardy. Tájikstannyń osy saladaǵy tájiribesiniń ózektiligi atap ótildi.
Óz tarapynan Iýsýf Rahmon barlyq talqylanǵan máseleler boiynsha ekijaqty qarym-qatynastardy keńeitýge daiyn ekenin bildirdi.
Esterińizge sala keteiik, Astana qalasynda ótken «Aimaqaralyq yntymaqtastyqty nyǵaitý jáne uiymdasqan qylmysqa qarsy kúreste kúsh-jigerdi úilestirý» atty halyqaralyq konferentsiiada shet elderdiń qadaǵalaý vedomstvolary ókilderiniń qatysýy aiasynda Qazaqstannyń Bas Prokýrory Q. Qojamjarov birqatar ekijaqty kezdesýler ótkizdi.
.jpeg)