Foto: "Qairat" FK
Almaty ákimi Erbolat Dosaev "Qairat" fýtbol klýbynyń taǵdyryna qatysty suraqqa jaýap berdi, - dep habarlaidy Tengrinews.kz agenttigi.
Bul týraly qala ákimi Erbolat Dosaev Naýryzbai aýdanynyń turǵyndarymen kezdesýinde aitty. "Qairat" jankúierleriniń biri megapolis basshysynan klýbtyń taǵdyry týraly surady.
"Qairat" qazir qiyn jaǵdaida, oǵan kómek kerek. Ondaǵy fýtbolshylar "Aqtóbe", "Astana" jáne basqa klýbtarǵa ketip qaldy, óitkeni olar kóp tóleidi jáne kez kelgen oiynshyny tańdai alady. Al bizde Almatyda úsh million adam turady, biraq klýb tórtinshi orynda. "Qairat" akademiiasynyń barlyq úzdik tárbielenýshileri basqa komandalarǵa ketti", - dep nalydy almatylyq klýbtyń jankúieri.
Erbolat Dosaev "Qairat" áli jekemenshikte ekenin aitty.
"Qairat" klýby boiynsha - kóremiz. Ol jekemenshikte. Biz sot sheshimin kútip otyrmyz. Qalanyń menshigine ótken kezde klýbqa kómek kórsetý máselesin qarastyramyz.
Klýb áli qalanyń menshigine ótken joq. Menshikke ótkennen keiin, kómek kórsetiledi", - dedi Almaty ákimi.
Eske salaiyq, buǵan deiin birqatar BAQ-ta "biznesmen Qairat Boranbaev "Qairat" fýtbol klýbyn barlyq infraqurylymymen Almaty ákimdigine berdi" degen aqparat taraǵan bolatyn. Keiin "Qairat" fýtbol klýbynyń baspasóz qyzmeti resmi málimdeme taratty.
