Foto: Olympik.kz
"Qairat" fýtbol klýbynyń basshysy Qairat Boranbaev komanda óz alańyndaǵy aldaǵy Chempiondar ligasy matchtaryn "Astana Arenada" ótkizýi múmkin ekenin aitty, dep habarlaidy Ult.kz.
"ÝEFA tarapynan oiyn ótetin oryndy ózgertýge ruqsat berildi. Sońǵy sheshim 5 qarashada ótetin "Interge" qarsy kezdesýden keiin qabyldanady. Biz barynsha Almatyda oinaǵymyz keledi, óitkeni óz alańymyz ben oiynshylarymyz daiyn. Biraq aýa raiy jankúierlerge qolaisyzdyq týdyrýy múmkin. Byltyr 12 jeltoqsanda "Astana" men "Chelsi" arasyndaǵy oiynda qatty sýyq bolǵany bárimizdiń esimizde", – dedi Boranbaev.
Aita keteiik, "Qairattyń" Chempiondar ligasyndaǵy óz alańyndaǵy kelesi matchtary 9 jeltoqsanda "Olimpiakosqa", al 20 qańtarda "Briýggege" qarsy ótedi.
Al keshe Almatydaǵy Ortalyq Stadionda UEFA Chempiondar ligasyndaǵy "Qairat" fýtbol klýby Kiprlik "Pafospen" teń tústi. 90 minýt boiy qarsylasynan basym oinaǵan almatylyq klýb kiprlik komandaǵa gol soǵa almady. Esep - 0:0.
