فوتو: Olympik.kz
"قايرات" فۋتبول كلۋبىنىڭ باسشىسى قايرات بورانباەۆ كوماندا ٶز الاڭىنداعى الداعى چەمپيوندار ليگاسى ماتچتارىن "استانا ارەنادا" ٶتكٸزۋٸ مٷمكٸن ەكەنٸن ايتتى, دەپ حابارلايدى Ult.kz.
"ۋەفا تاراپىنان ويىن ٶتەتٸن ورىندى ٶزگەرتۋگە رۇقسات بەرٸلدٸ. سوڭعى شەشٸم 5 قاراشادا ٶتەتٸن "ينتەرگە" قارسى كەزدەسۋدەن كەيٸن قابىلدانادى. بٸز بارىنشا الماتىدا ويناعىمىز كەلەدٸ, ٶيتكەنٸ ٶز الاڭىمىز بەن ويىنشىلارىمىز دايىن. بٸراق اۋا رايى جانكٷيەرلەرگە قولايسىزدىق تۋدىرۋى مٷمكٸن. بىلتىر 12 جەلتوقساندا "استانا" مەن "چەلسي" اراسىنداعى ويىندا قاتتى سۋىق بولعانى بەرٸمٸزدٸڭ ەسٸمٸزدە", – دەدٸ بورانباەۆ.
ايتا كەتەيٸك, "قايراتتىڭ" چەمپيوندار ليگاسىنداعى ٶز الاڭىنداعى كەلەسٸ ماتچتارى 9 جەلتوقساندا "وليمپياكوسقا", ال 20 قاڭتاردا "بريۋگگەگە" قارسى ٶتەدٸ.
ال كەشە الماتىداعى ورتالىق ستاديوندا UEFA چەمپيوندار ليگاسىنداعى "قايرات" فۋتبول كلۋبى كيپرلٸك "پافوسپەن" تەڭ تٷستٸ. 90 مينۋت بويى قارسىلاسىنان باسىم ويناعان الماتىلىق كلۋب كيپرلٸك كومانداعا گول سوعا المادى. ەسەپ - 0:0.
