Fýtboldan UEFA Konferentsiia ligasy toptyq kezeńiniń úshinshi týrynda qazaqstandyq «Qairat» syrt alańda Ázerbaijannyń «Karabah» komandasyna ese jiberdi, dep habarlaidy QazAqparat.
Aita ketsek «Qairat» H tobynda synǵa túsedi. Qarsylastary - Shveitsariianyń «Bazel», Ázerbaijannyń «Karabah» jáne Kiprdiń «Omoniia» komandalary.
Búgingi kezdesýde qos komanda jeńiske jetýdiń jolyn izdedi. Oiynnyń alǵashqy minýttarynda alań ieleri tarapynan basymdyq baiqalyp turdy. «Qairat» qaqpasy mańynda kóbirek boi kórsetti. Oǵan qazaqstandyq komanda oiynshylary laiyqty qarsylyq kórsetti.
Jasyl alańǵa boi úiretken «Qairat» fýtbolshylary qarsy shabýyldar uiymdastyrdy. Osyndai sátterdiń birinde almatylyq klýbtan Hose Konte ázerbaijandyq komanda qaqpasyna belgilengen penaltidi múlt jibergen joq. Budan keiin alań ieleri alǵa qarai umtylyp, tarazy basyn teńestirýge kúsh saldy. Degenmen tablodaǵy esep ózgerissiz qaldy.
Oiynnyń 79-minýtynda ázerbaijandyq Ramil Shaidaev mergendik tanytsa, 91-minýtta Abbas Gýseinov qorytyndy esepti belgiledi.
Osylaisha «Qairat» qarsylasyna 1:2 esebimen jol berdi.
Alǵashqy eki týrda «Qairat» komandasy nebári bir upai jinady. Aldymen óz alańynda Kiprdiń «Omoniiasymen» 0:0 esebimen teń tússe, syrt alańda Shveitsariianyń «Bazel» klýbyna 2:4 esebimen ese jiberdi.
Endi «Qairat» tórtinshi týrda óz alańynda búgingi qarsylasy - «Karabah» komandasymen taǵy bir oiyn ótkizedi.
Sondai-aq búgin atalǵan topta «Bazel» (Shveitsariia) men «Omoniia» (Kipr) komandalary sheberlik baiqasady.
