فۋتبولدان UEFA كونفەرەنتسييا ليگاسى توپتىق كەزەڭٸنٸڭ ٷشٸنشٸ تۋرىندا قازاقستاندىق «قايرات» سىرت الاڭدا ەزەربايجاننىڭ «كاراباح» كومانداسىنا ەسە جٸبەردٸ, دەپ حابارلايدى قازاقپارات.
ايتا كەتسەك «قايرات» H توبىندا سىنعا تٷسەدٸ. قارسىلاستارى - شۆەيتسارييانىڭ «بازەل», ەزەربايجاننىڭ «كاراباح» جەنە كيپردٸڭ «ومونييا» كوماندالارى.
بٷگٸنگٸ كەزدەسۋدە قوس كوماندا جەڭٸسكە جەتۋدٸڭ جولىن ٸزدەدٸ. ويىننىڭ العاشقى مينۋتتارىندا الاڭ يەلەرٸ تاراپىنان باسىمدىق بايقالىپ تۇردى. «قايرات» قاقپاسى ماڭىندا كٶبٸرەك بوي كٶرسەتتٸ. وعان قازاقستاندىق كوماندا ويىنشىلارى لايىقتى قارسىلىق كٶرسەتتٸ.
جاسىل الاڭعا بوي ٷيرەتكەن «قايرات» فۋتبولشىلارى قارسى شابۋىلدار ۇيىمداستىردى. وسىنداي سەتتەردٸڭ بٸرٸندە الماتىلىق كلۋبتان حوسە كونتە ەزەربايجاندىق كوماندا قاقپاسىنا بەلگٸلەنگەن پەنالتيدٸ مٷلت جٸبەرگەن جوق. بۇدان كەيٸن الاڭ يەلەرٸ العا قاراي ۇمتىلىپ, تارازى باسىن تەڭەستٸرۋگە كٷش سالدى. دەگەنمەن تابلوداعى ەسەپ ٶزگەرٸسسٸز قالدى.
ويىننىڭ 79-مينۋتىندا ەزەربايجاندىق راميل شايداەۆ مەرگەندٸك تانىتسا, 91-مينۋتتا ابباس گۋسەينوۆ قورىتىندى ەسەپتٸ بەلگٸلەدٸ.
وسىلايشا «قايرات» قارسىلاسىنا 1:2 ەسەبٸمەن جول بەردٸ.
العاشقى ەكٸ تۋردا «قايرات» كومانداسى نەبەرٸ بٸر ۇپاي جينادى. الدىمەن ٶز الاڭىندا كيپردٸڭ «ومونيياسىمەن» 0:0 ەسەبٸمەن تەڭ تٷسسە, سىرت الاڭدا شۆەيتسارييانىڭ «بازەل» كلۋبىنا 2:4 ەسەبٸمەن ەسە جٸبەردٸ.
ەندٸ «قايرات» تٶرتٸنشٸ تۋردا ٶز الاڭىندا بٷگٸنگٸ قارسىلاسى - «كاراباح» كومانداسىمەن تاعى بٸر ويىن ٶتكٸزەدٸ.
سونداي-اق بٷگٸن اتالعان توپتا «بازەل» (شۆەيتسارييا) مەن «ومونييا» (كيپر) كوماندالارى شەبەرلٸك بايقاسادى.
