Qazaqstannyń burynǵy Syrtqy ister ministri Qairat Ábdirahmanovtyń uly Temirjan Ábdirahmanov «Qazaqstan injiniring» basshysy boldy, dep habarlaidy "Ult aqparat" primeminister.kz saity na silteme jasap.
"Direktorlar keńesiniń sheshimimen Temirjan Ábdirahmanov «Qazaqstan injiniring» ulttyq kompaniiasy» AQ basqarma tóraǵasy laýazymyna taǵaiyndaldy" - delingen resmi habarlamada.
Al Muhtar Jumaǵazyuly Kereibaev «Qazaqstan injiniring» UK» AQ basqarma tóraǵasy qyzmetinen bosatyldy.
Temirjan Qairatuly Ábdirahmanov 1987 jyly Almaty qalasynda dúniege kelgen.
Máskeý memlekettik Halyqaralyq qatynastar institýtyn, Narhoz ýniversitetin, Ulttyq zertteý iadrolyq ýniversitetin bitirgen.
Eńbek jolyn 2008 jyly «Qazatomónerkásip» UAK» AQ Halyqaralyq jobalar jáne yntymaqtastyq basqarmasynyń menedjeri qyzmetinen bastaǵan.
2010-2015 jyldary — OQO, «APPAK» JShS (Qazatomónerkásip) túrli laýazymdarda jumys istedi.
2015-2017 jyldary — «Volkovgeologiia» AQ (Qazatomónerkásip) strategiialyq damý, marketing jáne innovatsiialar departamentiniń direktory.
2017-2020 jyldary — «Samuryq-Qazyna Kontrakt» AQ bas direktorynyń orynbasary.
2020 jylǵy maýsymnan bastap qazirgi ýaqytqa deiin «Samuryq-Qazyna Biznes Servis» AQ bas direktorynyń orynbasary boldy.
