Qazaqstannyń Syrtqy ister ministri Qairat Ábdirahmanov Túrkiiaǵa jasaǵan resmi sapary barysynda osy eldiń memleket basshysy Rejep Taiyp Erdoǵannyń qabyldaýynda boldy, dep habarlaidy "Ult aqparat" Habar24.kz saityna silteme jasap.
Ekijaqty kezdesýde syrtqy ister vedomstvo jetekshisi Túrkiia prezidentine Elbasynyń sálemi men igi tilekterin jetkizgen. Óz sózinde Taiyp Erdoǵan Qazaqstan kóshbasshysynyń aldaǵy ýaqytta túrik eline josparlanǵan sapary aiasynda birqatar ekonomikalyq kelisimshartqa qol qoiylatynyn atap ótti.
Taraptar kólik, aýyl sharýashylyǵy, shaǵyn jáne orta biznes pen týrizm salalarynda yntymaqtastyqtyń kókjiegin keńeitýge niet tanytyp otyr. Basqosýda halyqaralyq jáne aimaqtaǵy ózekti máseleler de nazardan tys qalmady. Qos memleket Sham elindegi shielenisti sheshýde Astana protsesiniń rólin biraýyzdan joǵary baǵalaitynyn aityp, bul baǵyttaǵy keleli kelissóz jalǵasa beredi dep sendirdi.
Sondai-aq Qairat Ábdirahmanov Túrkiia Uly ulttyq májilisiniń tóraǵasy Ismaiyl Kahramanmen de kezdesti. Otyrysta taraptar parlamentaralyq bailanystardy nyǵaitý máselelerin talqylady. Syrtqy ister ministri Qazaqstannyń BUU Qaýipsizdik Keńesiniń turaqty emes múshesi bolyp sailanýyna jáne elimizdiń halyqaralyq bastamalaryna qoldaý bildirgeni úshin túrik úkimeti men májilis tóraǵasyna alǵysyn bildirdi.
Buǵan deiin habarlaǵanymyzdai, Qazaqstan Prezidenti Nursultan Nazarbaevtyń osy jyldyń jazynda Túrkiiaǵa resmi sapary josparlanǵan.
