QR Bas sanitarlyq dárigeri Aijan Esmaǵambetova COVID-19 infektsiiasyn taratpaý maqsatynda «QR halqyn qaýipsizdikpen qamtamasyz etý sharalary týraly» jańa qaýly shyǵardy, dep habarlaidy "Ult aqparat".
«Infektsiianyń taralý sipatyn eskere kele, shetelden kelgen azamattardy baqylaýdy jalǵastyramyz. Búginnen bastap, shet elderden kelgen barlyq turǵyndar laboratoriialyq zertteý júrgizý úshin 3 táýlikke deiin karantinge alynady. Infektsiia rastalǵan azamattar statsionarǵa jatqyzylady. Teris nátije shyqqandar - 11 kúnge úi karantinine oqshaýlanady», - dedi bas sanitarlyq dáriger Ortalyq kommýnikatsiialar qyzmetinde ótken brifingide.
Bul norma áýe kompaniialarynyń pilottaryna jáne lokomotiv brigadalarynyń múshelerine, temirjol kóligimen tasymaldaý qyzmetimen ainalysatyndarǵa jáne avtokólikpen halyqaralyq júk tasymaldaityndarǵa qoldanylmaidy. Olar turaqty mekenjaiy boiynsha telefon arqyly meditsinalyq baqylaýda bolady.
«EAEO jáne Ózbekstan Respýblikasynan temirjol jáne avtokólikpen kelgen azamattar 14 kún úi karantininde bolýy tiis. Syrtqy ister ministrligimen kelise otyryp, Qazaqstanǵa kelgen diplomattar men olardyń otbasy múshelerin mindetti testileýden ótkizý normasy qarastyrylýda», - dedi A. Esmaǵambetova.
Buǵan deiin A. Esmaǵambetova koronavirýs infektsiiasynan qaitys bolǵandardy jerleý algoritmin túsindirgen edi.
