قر باس سانيتارلىق دەرٸگەرٸ ايجان ەسماعامبەتوۆا COVID-19 ينفەكتسيياسىن تاراتپاۋ ماقساتىندا «قر حالقىن قاۋٸپسٸزدٸكپەن قامتاماسىز ەتۋ شارالارى تۋرالى» جاڭا قاۋلى شىعاردى, دەپ حابارلايدى "ۇلت اقپارات".
«ينفەكتسييانىڭ تارالۋ سيپاتىن ەسكەرە كەلە, شەتەلدەن كەلگەن ازاماتتاردى باقىلاۋدى جالعاستىرامىز. بٷگٸننەن باستاپ, شەت ەلدەردەن كەلگەن بارلىق تۇرعىندار لابوراتورييالىق زەرتتەۋ جٷرگٸزۋ ٷشٸن 3 تەۋلٸككە دەيٸن كارانتينگە الىنادى. ينفەكتسييا راستالعان ازاماتتار ستاتسيونارعا جاتقىزىلادى. تەرٸس نەتيجە شىققاندار - 11 كٷنگە ٷي كارانتينٸنە وقشاۋلانادى», - دەدٸ باس سانيتارلىق دەرٸگەر ورتالىق كوممۋنيكاتسييالار قىزمەتٸندە ٶتكەن بريفينگٸدە.
بۇل نورما ەۋە كومپانييالارىنىڭ پيلوتتارىنا جەنە لوكوموتيۆ بريگادالارىنىڭ مٷشەلەرٸنە, تەمٸرجول كٶلٸگٸمەن تاسىمالداۋ قىزمەتٸمەن اينالىساتىندارعا جەنە اۆتوكٶلٸكپەن حالىقارالىق جٷك تاسىمالدايتىندارعا قولدانىلمايدى. ولار تۇراقتى مەكەنجايى بويىنشا تەلەفون ارقىلى مەديتسينالىق باقىلاۋدا بولادى.
«ەاەو جەنە ٶزبەكستان رەسپۋبليكاسىنان تەمٸرجول جەنە اۆتوكٶلٸكپەن كەلگەن ازاماتتار 14 كٷن ٷي كارانتينٸندە بولۋى تيٸس. سىرتقى ٸستەر مينيسترلٸگٸمەن كەلٸسە وتىرىپ, قازاقستانعا كەلگەن ديپلوماتتار مەن ولاردىڭ وتباسى مٷشەلەرٸن مٸندەتتٸ تەستٸلەۋدەن ٶتكٸزۋ نورماسى قاراستىرىلۋدا», - دەدٸ ا. ەسماعامبەتوۆا.
بۇعان دەيٸن ا. ەسماعامبەتوۆا كوروناۆيرۋس ينفەكتسيياسىنان قايتىس بولعانداردى جەرلەۋ الگوريتمٸن تٷسٸندٸرگەن ەدٸ.
